|
حلمت خير وسلام حلمت خير وسلام ببلادي خيرها دايع رايتها مهزوزة ك العلام ونورها فكل المدون شايع حلمت خير وسلام بصوت الحق عالي مسموع زال الظلم وتقاد الحكام وتغطى زمان الحكرة بالقلوع حلمت خير وسلام زالت من بلادنا الخدايع جيل اليوم اصبح خدّام وما بقى شبابنا ضايع حلمت خير وسلام بنادم معزوز وراسو مرفوع تمحى زمان الأمية والظلام وما بقاش بنادم جاهل ومقموع حلمت خير وسلام ما بقى بني انسان لشرفو بايع فطن بكرامته وعلّى ف المقام واشرى عزة نفسو على طول سوايع حلمت خير وسلام وفقت من نعاسي وانا مفزوع ما كرهت تكون حقيقة ماشي غير منام حيث بلادي ترونت وانا عليها مخلوع |
رد: حلمت خير وسلام اللّهم اجعل حلمك حقيقة نعيشها واقعا ورديا جميلا .. سلم قلمك أخي الكريم متمنياتي لك بالصحة و العافية و الشفاء العاجل . |
رد: حلمت خير وسلام كل المنى أن يتحقق حلمك ويصيرا واقعا نلمسه ما أحوجنا لهكذا أحلام في حياتنا بوركت زجالنا الكبير وحمدا لله على سلامة العودة |
رد: حلمت خير وسلام خــــــيــــــر و ســـــلام من حيث أنا مجدوب بوهالي لقيت هموم الكرة الأرضية تساوي هبالي وصداع الأسئلة الكبيرة يتموج ف راسي والحيرة تشرب من احساسي ما بقى ف احساسي كيف لي حتى نكون هاني ونغزل من لاباس لباسي قلت نحلم بجغمة من ريق كاسي غمضت عيني شفت ف منامي ـ خير وسلام ـ اعراسي ويا ما اعراسي تسحر العشاق وتفكر القلب الناسي وجوه ملايكية تطرز الشجر بالياقوت والمايس شفت سمايا زرقة صافية الطيور ع الانواع يسبحوا بعيد من وسواسي على افنان قلبي حطو غناوا... فرحوا... ولعبوا شوية ... شوية من ودني قربوا غناوا ..فرحوا. ... ولعبوا شوية ... شوية همسوا ف سري من اوتار الشمس و الريح نسجوا بساط سحري طاروا بي ... جالوا بي شفت شلة ناس ها دراكولا يخطط بالدم حروبو ها هولاكو يصبغ بالعيوب عيوبو ها مسيلمة بلا جوق يلحن كذوبو زعفت على الكرة الأرضية وناسها قلت لطيوري طيروا بي ف الربع الخالي من هبالي رموني نوالي حال حالي وهربوا علي صرخت عليهم وعلي ما سمعت ما سمعوا لي قلت ف خاطري ولخاطري ما فيها باس نعاود نحلم ونرد جوابي لسؤالو غمضت عيني ما شفت والو حليتها من جديد ع االعالم و علي لقيت موكة وحدها واقفة قدامي تخـنـزر في (منقول) شكرا أخي الفاضل ،ويبقى الأمل ......... |
رد: حلمت خير وسلام خير وسلام منام زين وان شاء الله قريبا يتحقق بالوسائل السلمية ونراه في اليقضة لا في المنام شكرا لك على روعة المنام الذي بتنا نراه كلنا لكننا لسنا متأكدين من نهايته وياااااااااااااااااااااربي خير وسلام شفاك الله وعافاك وثوب الصحة البسك ويجعل علامك ديما مرفوع يا علام القبيلة |
رد: حلمت خير وسلام الله يحقق حلمك اخي الكريم نتمنى كل الخير لمغربنا الحبيب |
رد: حلمت خير وسلام اقتباس:
اللهم امين يا رب العالمين وشكرا لك أخي الشريف السلاوي على المرور الطيب دمت بود أخي الكريم |
رد: حلمت خير وسلام اقتباس:
لا هي خلات الغيت ينزل وصارت الأرض بالماء تروي ولا بغات من سمانا تسّل وتخلي الشمس تضوي امتى تزول الغيوم وتفاجى الهموم امتى ليلنا يطلع عليه الصباح تزول الأحزان ونعيشو الأفراح وندوقو طعم الهنا لي علينا راح مرورك أسعدني أخي وحيد شكرا لك |
رد: حلمت خير وسلام اقتباس:
كلنا ك نترجاو الرحمان تصلح وتزيان بلادنا نعيشو في سلم وأمان نضمنو مستقبل ولادنا بوركتي أختي القديرة فاطمة الزهراء أسرني ردك ومرورك |
رد: حلمت خير وسلام اقتباس:
يا ربي خير وسلام تحقق كل أحلامنا تكون حقيقة ماشي اوهام ويترفع لينا علامنا سعيد جدا بمروروك أختي همس الروح وربي يخليك ويعلّي مقامك والله يجعل علامنا مرفوع يشالي |
رد: حلمت خير وسلام حمدا لله على شفائك اخي علام القبيلة ونتمنى ان يتحقق هذا الحلم. |
رد: حلمت خير وسلام اقتباس:
نتمناو من حاكم الحكّام بعد ما تغيّر الدستور يصلح بلادنا وتزيد القدام ويصبح الشعب فرحان ومسرور يزول الفساد والحرام وعرض بنادم يكون مستور يشيع النور ويزول الظلام وما يبقاش الدرويش محكور نحن لا ندعي التفوق ولكننا نسعى إليه وإنشاء الله يكون خير, تقبلي إحترامي ومودتي اختي فطيمة الزهرة |
رد: حلمت خير وسلام على سلامتك يا علام هكذا بغيناك يامرَوّض الحروف باناجر لقلام اليوم نذبحوا الخروف ونشويوا الزنان نجيوا عندك صفوف نعليوا المقام واخا هو عالي بين طلبة وعوام نزغردوا ونضربو على الدفوف ونرفعوا العلام وتنعم بالصحة ويمشي لينا الخوف ويتحقق هاذ المنام ونسمنوا ذاك الثور المعلوف نتكيوه تحت ذوك لقدام ويسيل دمو بين الصفوف ونشبعوا مرقة ويدام معاك الجلسة تعيط على الضيوف وتحايد لينا شلا تخمام طلتك علينا بردات الجوف وصفا الحال وزال لغمام الله يحفظك يا علام ويعطيك الصحة بالعرام حتى تشيط بين الخيام تبارك الله عليك يا العلام ياكبير المقام |
رد: حلمت خير وسلام اقتباس:
شكرا اختي ولكي مني كل المودة والإحترام |
رد: حلمت خير وسلام اقتباس:
شكرا لك أبو العز بغيت نرد برد يليق بمقامك ولكن الوقت ما ساعفنيش المهم هاني رديت باش نقول ليك تسناني هاني جاي وجايب القرشال وانت وجد الصوف وارى نغزلو دوك الحروف يا طارز الحرف بمرمة من فضة وخيط من ذهب وجد راسك راه الخيمة تكون كبيرة وفيها شحال من حمّار باش نعيطو على ناس القبيلة ونديرو اللامة ولكم الحضار |
| الساعة الآن 15:30 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd