كوكتيل الفواكه و... لذيذ مغذي واقتصادي من مطبخي السلام عليكم و رحمة الله هاد الكوكتيل كيجي لذيذ و قوامو تقيل و عاقد http://img534.imageshack.us/img534/5714/77219525.jpg يصلاح للتقديم فالعراضات اوالايام العادية و الاهم انه اقتصادي وصحي بدون نقاش و ممكن تعملي بيه كميات كبيرة و تعمليه باي نوع فواكه عندك ماشي بالضرورة للي عملت انا المقادير: http://img59.imageshack.us/img59/3941/76163441.jpg انا كان عندي فالفواكه : بنان تفاح ليمون فريز الماء فاش تسلق الروز (بدون ملح طبعا) سكر حسب الذوق للتزيين: قطع فريز و سكر ڤاني( سنيدة ) الطريقة: اولا كنغسل الفواكه مزيان بالماء والخل باش تتحيد منها الكيماويات والطفيليات للي ممكن تسبب فالاسهال! و بعدها كنغسللها بالماء و نمسحها و النشفها و نقي البنان و التفاح و نقطعو قطع صغيرة و كنعصر الليمون (ممكن تقطعوه حتى هو و تطحنوه مع باقي الفواكه) و نقطع الفريز لقطع كبيرة اما ماء الروز فكيكون ديما عندي فالثلاجة http://img13.imageshack.us/img13/5060/16730707.jpg فالطحانة كنعملو قطع البنان و التفاح تتطحن مع ماء الروز ( الماء فاش سلقنا الروز بلا ملح) بعد متطحن مزيان كنظيف عليها قطع الفريز و نطحنها غير شوية باش تبقا القطع طريفات صغيرة تحس بيها فالعصير، ثم كنضيف عصير الليمون باش ميكحالش العصير (لان البنان والتفاح كيتاكسدو ) و بعدها كنظيف للكل السكر حسب الذواق (للاشارة انا مضفتش السكر للعصير لانه كيعجبنا مذاق الفواكه بدون اضافة سكر) زينت الكؤوس بالسكر سنيدة الڤاني (ديال الساشي) فالحواف http://img534.imageshack.us/img534/8890/30378014.jpg طريقة تزيين: بسيطة كتاخذي 2 طباسل صغار واحد كتعملي فيه الماء و الثاني ديري فيه السكر الفاني او اي شيء تحبي تزيني بيه الطبسيل الاول تعملي فيه مقدار ديال الماء ملعقة كبيرة ماء مثلا، كتكفي فيه الكاس http://img153.imageshack.us/img153/4338/35457040.jpg و تخليه يتقطر http://img532.imageshack.us/img532/6884/60477843.jpg و كتعاودي تكفي الكاس فطبسيل درتي فيه السكر http://img534.imageshack.us/img534/2549/59008512.jpg تحركيه و تهزيه من فوق السكر و تسوسيه من السكر الزائد http://img541.imageshack.us/img541/4006/71718316.jpg و هاهو واجد للتقديم http://img534.imageshack.us/img534/9395/66186884.jpg (او السكر الفاني او القرفة او السكر الملون او رقاقات اللوز او الشكلاط او اي شي بغيتو تزينو بيه. . .) ان شاء الله نحط ليكم بعض طرق تزيين الكؤوس بشكل بسيط و انيق و فمتناول الجميع http://img146.imageshack.us/img146/7756/14461613.jpg و كنتك فجنب الكاس نصف فريزة مقطعة على شكل عرف الديك و كنكب العصير فالكيسان بالدواز باش ميتوسخوش جنبات الكاس او يتقطر لينا العصير التقديم: و نقدموه بالصحة و الراحة بارد او بدرجة حراة المطبخ فاي وقت http://img534.imageshack.us/img534/1574/80161449.jpg انا كنقدم هاد الكوكتيل بفواكه عدة حسب المتوفر عندي لكن الطريقة كتبقى واحدة http://img534.imageshack.us/img534/5714/77219525.jpg نصيحة وشرح مهم: لما كنسلق الروز او اي معجنات كنسلقو غير فالماء بلا ملح باش لما كنصفيه كنحتافظ بهذاك الماء فالثلاجة و كنصايب بيه العصائر و كنعقد بيه الصوص (ماء الروز او اي نوع معجنات سلقتها بدون ملح بدل الحليب او الماء فقط) لان ماء الروز كيعطي للعصير ثقل و سماكة مكيجيش جاري وفنفس الوقت اقتصادي و للي ذاقو مكيعرف مناش صايبتيه مكيكونش فيه مذاق الحليب و ايضا مكيكونش مزرڭ و جاري بحالا معصور بالماء و اهم شي انه الاطفال و الناس للي عندهم المصارن حساسة ممكن يشربو كوكتيل اي نوع فواكه بلا ميخافو من الاصابة بالاسهال لانه معروف ان اغلب الفواكه ممكن دير اسهال لكن معروف ايضا ان الروز و الماء فاش تسلق كيساعدو على الشفاء من الاسهال، يعني شربو قدما بغيتو بدون خوف! و ممكن تستعملو الروز نفسو ماشي غير الماء ديالو ان شاء الله تعجبكم طريقتي و تفيدكم الله يرزقنا و إياكم خيرات الدارين و لا يحرمنا من طيبات الجنة و نعيمها دمتن في رعاية الكريم اختكن أمنــار أم ريـَّــان و عليكم السلام ورحمة الله وبركاته |
رد: كوكتيل الفواكه و... لذيذ مغذي واقتصادي من مطبخي |
رد: كوكتيل الفواكه و... لذيذ مغذي واقتصادي من مطبخي |
رد: كوكتيل الفواكه و... لذيذ مغذي واقتصادي من مطبخي |
رد: كوكتيل الفواكه و... لذيذ مغذي واقتصادي من مطبخي |
الساعة الآن 10:27 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd