|
نهار قلت قطعت الواد ونشفوا رجليا قطعت الواد ونشفوا رجليا دمعي هواد والعيطة عليا فينكم يا اهل لجواد تحنوا شوية دمي درتو مداد وقلبي عطيتو هدية فينكم يا ذوك لسياد نبسطوا شوية الواد يا الواد جاي حامل عليا وانا ياناس معناد ومادرت فالواد مزية درت معاه ميعاد عند امي هنية داز عيد وجاوا اعياد وهاذ الواد مابان ليا قلت لذوك لجواد: الواد واقيلا دارها بيا ياك ما يكون غضبان عليا؟ أو يمكن يكون حنّ فيا؟ مشيت غاذي هواد والشمس تحرق فيا نبحث على موالين الواد يمكن يجيبوه ليا بقيت نسول لعباد والخيط هربان ليا امشات ايام لعناد ونسيت حرقة الواد الغايب عليا وتلاهيت مع لسياد بالطبل والعيطة الجبلية وحنا على هاذ الحال فدار امي هنية جانا الواد باغي يضحك شوية ذاع فالبلاد مانفعت معاه حمية ماشدوه جواد ماداروا لسياد مزية بنادم بقى ذايع كيف الجراد منشور احدا دار امي هنية وملي كان الواد غاذي نازل هواد شاف فيا وضحك وزاد وبلسان اصحاب الواد قال ليا : أنا غير واد ماتدّيوش عليا مانعرف جواد مانصاحب اسياد وماندير مزية أنا هبيل وهبالي عطاه ليا الله هدية ياذوك لجواد شحال قدكم تحظيوا مع الواد راه غدار ودار فقلوبنا كية يضرب على الشعا كيف اللفعى ويلا قلتوا واد راه واد وشحال من جواد اداهم الواد ونساوهم لعباد ومانساتهم امي هنية http://www.aljazeeratalk.net/forum/u...1225100104.jpg |
رد: نهار قلت قطعت الواد ونشفوا رجليا شكرا جزيلا على قصيدتك الزجلية البهية . ورد اسم الواد كثيرا في التراث الشعبي المغربي : الواد الواد خايفة من قلباتو يا أمي ... * * * * * * * واش الواد يقدر يغير مجراه .... * * * * * * * شد الواد ... * * * * * * * دام لك العزّ أخي العزيز . |
رد: نهار قلت قطعت الواد ونشفوا رجليا اقتباس:
الواد معروف منذ القدم بتأثيره على بني آدم يجلب له الرخاء عندما يكون سعيدا ويجلب له الدمار عندما يفيض والغريب أننا نصالحه دائما بعد ثورته,ونمسحها فينا قائلين: نحن الذين أخطأنا في حقه,لم نكن من الثائبين المخلصين. سعدت بردك البهي الذي حقق السبق الواد لا يصاحب أحدا,يمر في طريقه ولا يلتفت لأحد.يجري ويجري ويُهرهر ويُخرخر,وإذا حمَل ,يأكل في طريقه كل شيء,ناس,وحجر,وبهايم,وشجر ولايترك وراءه إلا الغيس والدمار. عجيب أمر الواد. مودتي |
رد: نهار قلت قطعت الواد ونشفوا رجليا قصيدة زجلية رائعة ابو العز وقد حبكت لنا الصورة حتى اني تخيلتها قبل ان اراها طبعا لن نلوم الواد لانه يتبع الطريق المبية على اساس صحيح ليجنب البشر غضبه لكن ان وجد الغش فانه ينتقم شر انتقام دمت بكل الق ابوا العز ودامت لك طيورك |
رد: نهار قلت قطعت الواد ونشفوا رجليا الواد وفعايلو شلا دّا حليمة والباتول وما شبع وزاد كلتوم غادي كيصرط وفمو محلول ميفرق ما يدير فرزيات كلشي بحال بحال كيف مول العمارة كيف مول البراكة مكاين غير صرط وكال غايزيد حتى امي هنية..... شكرا والله يعطيك العز. http://t1.gstatic.com/images?q=tbn:A...A9yKIkJVQnNZ8w |
| الساعة الآن 04:06 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd