تعليمنا يا ناس اغمال
وغموليتو ذاعت علينا
ريحتو اعطات وعطعطات
وعقلو اهبال
واهبالو وصل لوذنينا
الحمل علينا يا ناس اثقال
واليوم يا ناس هاذ التعليم
اخوا بينا
آجيوا نكسروا لغلال
ونديروا شي وقيفات زوينة
ندخلوا لساحة النضال
نحايدوا علينا هاذ الروينة
نبعدوا على القيل والقال
ونهزوا لربي العالي المتعال يدينا
تعليمنا سدوا عليه شي ناس بالأقفال
وسوارتو ماهم في يدينا
آجيوا يا سيادي نشويوا لكبال
ونغسلوا على هاذ التعليم يدينا
هزينا من امحاينوا جبال
والناس تحنزز وتشوف فينا
ولا واحد فيهم جاب اقوال أو افعال
باش يخفف الحمل علينا
كلشي حاسدنا على ايام العُطل
ويقولوا هاذ المعلم آش كيقرّينا؟
قرد بقرة برتقال !!!
حتى اصبح لعكس والنحس مخاوينا
اللهم نمشيوا نشويوا لكبال
ونطلبوا من الله يعافينا
ونحيدوا على ظهرنا هاذ لحمال
ونركبوا سفينة لهبال
ونضحكوا مع اصحاب الحال
وايام العز تواتينا

اتمنى من الله ان تصل اصواتكم وتنالوا مطالبكم آمين.
وما تنساوش كيف نتوما مظلومين اولاد الشعب مظلومين.
اتمنى من الله ان يحل هذا المشكل.