|
التريكيل مع أم طه http://www.sheekh-3arb.info/islam/Li...wahglo4wam.gif في هذه الصفحات سنحاول جميعا الترفيه عن أنفسنا,نحماقوا شوية ونتريكلوا باش نكسروا الملل. على بركة الله سأبدأ: http://gif.vip600.com/smiles/30/bloem_02.gif التريكيل رقم -1- في الحمام عندنا فالبلاد القضية حامضة, كلشي بغا يشْعل فراسو قلت فنفسي وعلاش منجربش غندير هاذ المحاولة باش على ربي يضبْروا ليا على خدمة. الموضوع الأصلى من هنا: منتديات الأستاذ التعليمية التربوية المغربية : فريق واحد لتعليم رائد http://www.profvb.com/vb/showthread.php?p=351376 وفنفس الوقت نقلب على ولد لحلال يسترني ونسترو. وبديت كنحلم ونفكر فلمستقبل,وأول ما جا على بالي نمشي نشري شوية ديال الحنة والصابون البلدي ولعكر الفاسي,ونضربها بشي غسلة فاعلة تاركة. ثم نمشي عند الكوافورة باش إلى جاب الله لعريس يلقاني نيووو... مشيت عند العطار وشريت المطلوب ,هزيت السطولا وقصدت الحمام. فلمْرايا ديال الحمام بانت ليا واحْدة كتنعت فييا وكتقول لصاحبتها :شوفي على بنادمة شحال موسخة ومشعككة بحال لا مكاينش الما والصابون فلبلاد! مديتهاش فيها "تنفكر غير فزوج المستقبل"خلصت الرزمة ودخلت للسخون باش نكمد عظيماتي لحقاش من كثر التخمام بقاو غير لعظييمات.طلبت واحد لمرا تحك لييا ونحك ليها, شافت فييا وخنزرات وقالت لييا:تفو عليك ألموسخة ما بقاو غير سيادك يحكوا ليك! قلت ليها:سمحي لييا ألالة شكون نْتي؟ قالت لييا أنا لالاك ياسمينة,كنت طايرة مع السندباد فلبساط السحري ومنين بان لييا الحمام قلت ندخل ونعسل وماكنتش عارفة بأن هاذ الحمام كيغسل فيه العادي والبادي.. ودابا سمحي ليا ألالة ياسمينة نسولك :واش بصاح نقصتوا فالدوا؟ شكون هاذ لحمق للي كيروج هاذ الهدرة؟ غسلي عظامك وسكتي وإلا زدتي شي كلمة نهرسهوم ليك أُو متلقايش باش تجبريهوم,ونْسد السبيطارات وسيري ديري ليك شي بيضة مع الفورص. http://gif.vip600.com/smiles/30/bloem_02.gif |
رد: التريكيل مع أم طه http://gif.vip600.com/smiles/30/bloem_02.gif التريكيل رقم -2- الموروث الكل كيعرف بأننا احنا المغاربة وخاصة الطبقة الكادحة ديمة حامدين الله وشاكرينوا,ديمة بخير,والحمد لله. هذا النوع من الناس دراوش لحقاش مولفين تَمارة,ما كيشْكيوْا .ما كينشو ذبان. في الطوبيس تلاقيت واحد الرجل من دوك اللي خدامين في البلدية(الشارع) كله دمايات وكان غادي لسبيطار وهدشي حتى سَلاَ وقت العمل لحقاش الدم كرم على حوايْجو,وقلنا ليه علاش غادي في الطبيس كان خصك تمشي في لابيلانص والمسؤول يدير ليك accident de travail وحنا راسو وما جاوبش ,ومسكين من سكوته استنتجت بأنه إذا اشتكى سيكون مكانه الشارع.لا حول ولا قوة إلا بالله. المهم المواطن المغربي الدرويش ما تيعارض ما تيطالب بحقوا,حياته منحصرة في إطار محدود:سكر, اتاي,طحين,بطاطا, زيت لوسيو للطياب والتغماس,وبيت للكراء مع الجيران... والموظف شقة بالكريدي ميكملها بالخلاص حتى يتقوس ظهرو ولا يموت من الحسرة على شبابو وأيامو اللي مشات كلها في الكريدي... الموضوع الأصلى من هنا: منتديات الأستاذ التعليمية التربوية المغربية : فريق واحد لتعليم رائد http://www.profvb.com/vb/showthread.php?p=352145 ولكن في بلادنا عندنا طبقة أخرى وهي التي ورثت الخير والخمير على جدودها بأساليب مختلفة,الطبيب كيولد الطبيب والوزير كيولد المستشار....هذه الطبقة كيورثوا المراكز ووالطبقة اللي أنا وانتَ وانتِ منهوم كيورثوا الزلط والمرض... |
رد: التريكيل مع أم طه ههههههههههههههههه ياسمينة ........ علي بابا ........... والسندباد البري هاهاها |
رد: التريكيل مع أم طه [quote=أحمد أمين المغربي;352606]ههههههههههههههههه ياسمينة ........ علي بابا ........... والسندباد البري هاهاهاquote] ههههههههههههههههه الواحد ضروري يحمق مرة مرة |
رد: التريكيل مع أم طه موضوع ساخر وهـادف راقني كثيــرا خصوصا عبـارة ‘‘ التريــكيل مع أم طه ‘‘ ههههههههههه شكرا لك أختي الكريــمة أم طه. |
| الساعة الآن 12:47 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd