اليوم كلّمت عدابي - منتديات الأستاذ التعليمية التربوية المغربية : فريق واحد لتعليم رائد

2010-04-21, 21:09

رقم المشاركة : 1

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

اليوم كلّمت عدابي

يا عذاب همي راك وصلتي للضلوع

ومشات ايامي في طريق الضياع

كنت راضي بحظي في الدنيا وقنوع

ما دريت واش نكابد هاد الصراع

وغرقت سنين من عمري في الدموع

بعدما شرى فيا بنادم وباع

طفات في ليلالي جميع الشموع

وضوء الكمرة من حياتي تقطع

مفرد الصبر في ودني مسموع

ولما شاف الصبر جراحي تخلع

* * * * *

الى انا عايش في الاحزان وراضي

راني تايه ما داير بحسابي

فرحتي في الدنيا هي غراضي

وانتمنى السعد يدق بابي

واخة الجراح بلغت كل اعراضي

راني صابر نقاسي ف مكتابي

عارف بعد غبينتي جاية اسعادي

نقول مهما زاد شقايا وتعابي

ولهبات نيران الغم ف اكبادي

لابد فيوم تزول كل اعذابي[size=male]

[/size]
[size=male][/size]

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=116396

2010-04-21, 21:46

رقم المشاركة : 2

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: اليوم كلّمت عدابي

حايد عليك هاذ الغوباشة يا علام القبيلة
ورقص و نشط مع حريفاتي الهبيلة
فوض أمرك لله تبان ليك ليام حلوة وجميلة
الله قادر من بعد الجفاف يرجع الارض بليلة
الدنيا فايتة ما تدوم وخا تبان ليك طويلة
غني مع طيور العز را فرحتها بيك ما هي قليلة
دير بحالي ونسى الهم تبان الدنيا خليلة
جيب الرقصة من ذاك الواد وجلس تحت الشجرة الظليلة
حريفاتي تتلم عليك و تغني ليك هاذ الليلة
اسبح فالواد وخلي فيه لالة غوباشة الهبيلة
وجلس على جنب الواد قرقب الناب مع أهل لقبيلة
القمر يضحك ليك والنجوم ترقص ليك رقصة جميلة

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة

2010-04-21, 22:12

رقم المشاركة : 3

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

رد: اليوم كلّمت عدابي

بقدر ما النفس مغلالة
خلاتني مغبون نتساءل
نترجى جواب السوالة
واش غمي علي ملائم
او وتاتني هاد الحالة
ولا أنا بنادم متشائم
ونكدي عل الزمان يتلالا
والى قلت ليك متفائل
ونفسي عل الفرحة عوالة
آش تقول يا من سائل
على قول الحروف الكوالة

لولا التفاؤل أخي البو الحرف لما خطت أناملي حروف الختام المبشرة

الظلام نور باين للأعمى في الليل
والنور ظلام لكل عين شايفة الويل

عسى أن تروقك حريفاتي يا رائد الحروف

تحية زجلية لزجال متمكن

2010-04-21, 22:19

رقم المشاركة : 4

بلابل السلام

بروفســــــــور

إحصائية العضو

بلابل السلام غير متواجد حالياً

رد: اليوم كلّمت عدابي

رجعات حروف علام
تبكي وتنوح على ليام

زجلية جميلة زجالنا الكريم
أسعد الله أيامك وأذهب عنك كل حزن

التوقيع

2010-04-22, 18:21

رقم المشاركة : 5

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

رد: اليوم كلّمت عدابي

اقتباس:

المشاركة الأصلية كتبت بواسطة بلابل السلام

رجعات حروف علام

تبكي وتنوح على ليام

زجلية جميلة زجالنا الكريم
أسعد الله أيامك وأذهب عنك كل حزن

ورجعات بلبلة السلام
ببشارة الخير لخوها علام
الله يسعد ايامك على الدوام
ويخليك عشاقة الحرف كيفما موالفة
انت نور سلامك يلوح فالضلام
ويشالي بصبيغ النْيَام
يا بدر النْبَا من الغتام
كلامي بوح من كياني وحرفي ف التزمام ما كفى
علام يا علام ملسوع بالغرام
وخليلي موصوف بمحاسن الرسام
وعييت ملازل كل السقام
ما بردت فقلبي جمار محال تنطفى
اهجر لخليل بالكرام
وخلى دموعي حايفة سجام
نبكي ونوح ف الظلام
ما نسيت اعلالي ولا نسيت محاين من اجفى

تحية من علام الى بلبلة السلام


	للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :