|
الله الله عل الإدماج الله الله عل الإدماج ملي بديت نخدم بانوا شلا مقاربات تخلطوا علي العرارم وكثرو الفهمات بدينا بالأهداف دغيا بانت الكفايات وما تنسوش الفارقية وحل المشكلات هد العام جاتنا لا لا المقاربة بالإدماج ساهلة وماهلة بحال ماكلة الفرماج غير حرك المعلومات لعند الولد فالمجاج أجيوا تكونو من كل مدرسة الخوت بجوج من الثمنية وحنا باركين حتى الجوج كيديرواحد بالطريق رجليه إحرقوه بجوج . أشتفهم واحدة بحالي خلت ولد وجوج لك الله، أراسي تشتتي بين ولدي والإدماج. قوات علي الهدرا حتى دماغي خماج إلى بغيتي تفهم صبر متخمم متحتج خود ليك المعيار والمؤشر راك ليهم تحتاج أم عثمان |
رد: الله الله عل الإدماج هههههههههه زجلية طريفة أختي أم عثمان هاذ الناس تلفات بهم الدنيا وبغاو يتلفونا الله يخرج العاقبة على خير خالص تحيتي وتقديري |
رد: الله الله عل الإدماج وانا امر من هنا ...شدني العنوان اولا...ثم بعد القراءة...ضحكت مليا...الله عليك اختي...بارك الله لك وفيك...زجلية واقعية ...لما يدور في مدارسنا هذه الايام من تخربيق.....وانا اقرا استحضرت الروينة الي نايضة عندنا في المدرسة الكل يدمج على حسب هواه...هههههه...ستة عشرة سنة ..لم الحظ هذه الفوضى.... |
رد: الله الله عل الإدماج روعة الزجل ياام عثمان رائعة فعلا اضحكتني والله مؤسف ان نضحك من واقع نعيشه ونستسلم له لك محبتي |
رد: الله الله عل الإدماج هد العام جاتنا لا لا المقاربة بالإدماج ساهلة وماهلة بحال ماكلة الفرماج هههههههههههههههههههه ولكن فرماج قاصح مقشر |
رد: الله الله عل الإدماج صدقت ياميمون كل يدمج على هواه فوضى عاااااااااااارمة |
رد: الله الله عل الإدماج السلام عليكم انها الفوضى الكل يغني على هواه ان الادماج استطاع ان يجعلنا كالتائهين لم نفهم شيئا مما قيل في مدرستنا الكل يضحك من كثرة الهم |
رد: الله الله عل الإدماج او مني يدوخوك المعايير او المؤشرات كتهرب من القسم ؛حيت ايلا بقيتي شويا يتحرقو ليك الفيزيبلات كتلقا خوك في الحرفه حتي هو تيدور في الساحة تيحرك فمو بتعويذات و تممتمات كتعاود تدخل القسم تشوف الانجازات مكتلقى والو ؛غير شخبطات و لخبطات او قاليك هاد شي فرغو في شبكات او اراك للزائدات او الناقصات حتى يحوالو ليك العينين ويتفرع ليك الراس تولي باغي تدير ايديك في ودنيك او تعطيها للغوات |
رد: الله الله عل الإدماج هدا هو الادماج الله يرحم التعليم......................... |
رد: الله الله عل الإدماج اقتباس:
شكرا لك على المرور الطيب نمقت صفحتي بردك العطر غاليتي :بلابل السلام لك خالص الود والأمنيات. http://www.alamalnet.com/vb/images/s...es2/more19.gif http://www.alamalnet.com/vb/images/s...es2/more19.gif http://www.alamalnet.com/vb/images/s...es2/more19.gif |
رد: الله الله عل الإدماج شكون هذا لي مات؟ التعليم مسكين مات وشبع موت. باقي صغير مسكين آش قتلوا؟ قتلوه موالين الوقت بكثرة التجارب. مرة جابوا ليه تجربة من فرنسا,مجاتش على قدو,لبسوها ليه بزز حتى ضروه جنابو وتضبربحال الحمار. مرة جابوا ليه تجربة من بلجيكا,حتى هي جاتو كبيرة,بقى البرد كيجري ويدور من جنابو,حتى مرض بالأنفلونزا ديال الإدماج. باقين كيقلبو ليها على الدوا,ماصبرش مسكين وهو يموت. كيفاش غاذين نقراوا دابا؟ أسيدي تهنينا غاذين نرجعو للأصل,نبداوا نقراوا فالمسيد,ونرجعوا المجد للفقيه,والفلقة,والصلصال,واللوحة,والرباعية,والسلكة. .. وماكاين لا كفاية لا والو؟ والو والو لا كفاية 1 ولا كفاية 2 ولا حتى 3 يلا جابوها شي نهار. والتحقق,والسند, والمعيار,والقياس...هاذ شي كاع مكاينش؟ قلت ليك والو والو... آجي ,والمذكرة ماكايناش ياك؟ والو والو والو... والله هذا هو التعليم وإلا فلا. من اليوم غاذي نمشي للسوق نشري جلابة وسروال قندريسي, ونصوب الفلقة ,وندبر على عصا طويلة نشحط بيها الدراري القباح,ونمشي نشارط فشي دوار. أنا مسرور بهاذ التغيير. أشكرك ام عثمان على جمال حريفاتك وطرافتها. من حريفاتك جاءني الإلهام. |
رد: الله الله عل الإدماج ههههههههههههههههه شرّ البلية ما يضحك شكرا أم عثمان |
رد: الله الله عل الإدماج اقتباس:
فعلا اخي ميمون الروينة واش من روينة .. كل واحد فينا رون حريرتو كي بان ليه .. ها للي سبق الشفوي وانسى الكتابي ... ها للي كيستنجد بجارو يفكو من الوحلة ... هذا يدوزك من هنا الاخر يكول ليك لا لهيه ... كثر علي الهم ورونت حريرتي كي بان لي ... جزيل الشكر على تنويرك لصفحتي التي تحكي عن واقع مر نعيشه ... ودي والامنيات |
| الساعة الآن 23:28 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd