منتديات الأستاذ التعليمية التربوية المغربية : فريق واحد لتعليم رائد

الصدق ولى براني
تهجر وبقى وحداني
الغدر كثر فيامي
الخدع داير فالزناقي
للي نسال عليه نهار وليالي
باصبعو عمى لي عيني
قلالت المحبة فزماني ..
ولى النفاق هو الطاغي

للي وفيت لو فحياتي
نسى وعدو وجفاني
خان عهدو للي عطاني
ما يتخلى عليا فحزاني
ويشاركني ففراحي
يقيل يقسم بربي العالي
ليا وحدي ما يحافي
ولعهدوا يبقى وافي

اليوم بقلبو جفاني
عطاني ظهرو وخلاني
الحنين لازم يعاني
ومول النية يقاسي
والوافي ما يحافي
هذا زمان الذل احبابي
ما بقى خوف فبنات ودراري
هزوا كفوفكم للعالي
يحفظ من البلا ولادي
وولاد للي قرا وسمع كلامي ...

بقلمي