الحلّوفة بيا ما كتدور
ومانيش ساهل ليها
ما نخليها من الحضور
فينما تبان نجري عليها
وفرمضان ما راني مقهور
ندك وندردك ليام بلّي فيها
ومانيش سلعة بقات عشور
حتى يبيعها بنادم ولا يشريها
المعنى مزمّم وسط السطور
والهضرة ما عجبت مالّيها
لجّم لسانك من كل الهتور
سطور لقصيدة ما رتاحيت ليها
وما نبغيش يرجع عليك الدور
ونبعث قوافي لحروفك تعاديها
خلي كلامنا بهجة وسرور
وحروف العز كيف موالفين عليها

شكرا اخي والله معقول

اتمنى لك مزيد التالق

ورمضان كريم