فقاص بالنخالة*هائل*من مطبخي السلام عليكم بحال هاد الوصفة فات لي وضعتها هنا ولكن الاضافة اللي عملت هنا هي اني عجنتو بالنخالة و الدقيق فعوض الدقيق بوحدو ومنقولكمش كيف جا واعر هشيش ورائع ناهيك على انه صحي نظرا للفوائد الكثيرة ديال النخالة نتمنى تجربوه وان شاء الله يعجبكوم ايوا نخليكم مع الوصفة المقادير: 5 بيضات زلافة سنيدة زلافة زيت ملح 2 خميرات النخالة مغربلة الدقيق قليل من النافع الزنجلان*انا كنكثر النافع*اولا لفوائده وثانيا لانه كيعطي لذة للفقاص وتينسمو مزيان حفنة ديال اللوز مهرمش او الزبيب أو الفواكه المعسلة حسب الرغبة اصفر بيض للتزيين مع قليل من القهوة سريعة الذوبان الطريقة نخلطو البيض مع سنيدة و قبصة ملح و الزيت جيدا ثم نضيفو النافع انا درتو غي هو وكثرتو حيت تيعجبني، ثم الزبيب او اللوز ومن بعد نبداو نضيفو الخميرة و النخالة ثم الدقيق شوية بشوية حتا تجمع لينا العجين.تقريبا نفس الكمية اللي غانعملو ديال النخالة هي اللي غنعملو ديال الدقيق حتا يتجمع لينا الخليط نعملو منها حرابل ندهنوهم باصفر بيضة مخلط بالقهوة و ندوز عليهم الفرشيطة . بعدما نطيبوهم تنخرجوهم من الفران ونعاودو نرجعوهم يتحمرو وها هو الفقاص ديالنا وجد بالصحة و الراحة |
رد: فقاص بالنخالة*هائل*من مطبخي |
رد: فقاص بالنخالة*هائل*من مطبخي رائع سلمت يداك الشكر الجزيل لك |
رد: فقاص بالنخالة*هائل*من مطبخي شكرا على الوصفة الرائعة دمت بخير. |
رد: فقاص بالنخالة*هائل*من مطبخي شكرا على الوصفة الرائعة |
الساعة الآن 06:51 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd