أنا اللي ... - منتديات الأستاذ التعليمية التربوية المغربية : فريق واحد لتعليم رائد

2010-06-01, 21:45

رقم المشاركة : 1

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

أنا اللي ...

انا اللي قريت ردك وفهواه تبليت
انا العاشق الولهان عنتر فزمانو
انا اللي بحرفك سهرت وما سخيت
وشهقت من نسيم وردك وفيحانو
عيونك الساحرة بحر فيه ياما قريت
شلى اسرار وكثرة لمعاني فبطانو
انا اللي بحت باللي فجوارحي وما خبيت
ما قدر كفي يخفي حر قبض جمارو
انا من عشقت سر ذاتك وعليها نويت
نهترف فالضباب ونتسلق جبال مهما وعارو
عسى يرضى عني لخليل لي بغيت
نفرح بقوالو ونسعد بمزاجو وافكارو
وقبل لا توضعي شروطك راني بها رضيت
واش يدير الميت قدام غسالو
من سلاطة لسانك ما راني ملييت
عارف القمح الزين يبان غير من غبارو
وقلبك سميح فحالو انا ما لقيت
غير حروف وجهك اعطاتني اخبارو
طلبت خالقي يجمع شملنا وشحال دعييت
لطف بعبد لي سمع بالغرام وما عرف هذا حالو

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=152281

2010-06-01, 22:35

رقم المشاركة : 2

ابو العز

نائب مدير الأفكار والمشاريع الأستاذية

إحصائية العضو

ابو العز غير متواجد حالياً

رد: أنا اللي ...

الزمان غار عليا
والزمان مغيار
ارماني فروضة منسية
وشعل فيا لجمار
لبسني ثوب راشي
وماحد جاب ليا اخبار
وارماني فقبر مايسواشي
وغطاني بشلا غبار
لا ماشي لاغاشي
ولاحد اكشف ليا سرار
بنا عليا لحواشي
وغرس ليا شواهد العار
واش هذا هو فراشي؟
ولا الزمان حكار
فين ذوك التواشي؟
وفين ذاك الزين المسرار؟
وليت ياناس عظم راشي
شحال ذاق من مرار.
بوركت يا علام
سلطان حروفي يبلغ ليك سلام
ويحني ليك راسو ويهزليك لعلام
ويدير ليك بوجور
من هنا لبوجدور

التوقيع

أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة

2010-06-02, 11:19

رقم المشاركة : 3

الشاعر لطفي الياسيني

شاعر الأرض المحتلة

إحصائية العضو

الشاعر لطفي الياسيني غير متواجد حالياً

رد: أنا اللي ...

تحية الاسلام
جزاك الله خيرا وبارك الله لك وعليك
أزكى التحيات وأجملها..وأنداها
وأطيبها..أرسلهااليك
بكل ود وحب وإخلاص..
تعجز الحروف أن تكتب ما يحمل قلبي
من تقدير واحترام..
وأن تصف ما اختلج بملء فؤادي
من ثناء واعجاب..فما أجمل
أن يكون الإنسان شمعة
تُنير دروب الحائرين..
دمت بخير
رحم الله والدي ووالديك

ابو مازن

التوقيع

فلسطيني ولن ارحل
ولو ذبحوني بالمقصل
انا باق على ارضي
بدير ياسين والقسطل
-------------------------
لطفي الياسيني
شاعر فلسطين