2010-05-26, 20:51
|
رقم المشاركة : 1 |
 إحصائية
العضو | | | 
|  نجمعوا خلاص الزبل وتنقى هاذ المدينة
|  |
نجمعوا خلاص الزبل
قصة الشطاب تكمل
وتنقى هاذ المدينة
وقتاش الزبل يتجمع
وتنظف هاذ المدينة
تقطع بينا الحبل
تشتت لينا الشمل
ومع لحباب يتلم
وعيشة الغاب تكمل
وتحايد هاذ الغبينة
وضوء الشمس ينزل
والناس تنوض تعمل
وخير لصحاب يجزل
وتحايد هاذ الروينة
وندهنوا فمنا بالعسل
ونربيوا النحل فالجبل
وتحلى هاذ الجنينة
ونعليوا شان المنجل
نحصدوا نجمعوا الغلل
حياة الفلاح تولي زوينة
لا تخليوا العز يغفل
يخنزر فينا ويدفل
ونوليوا وسخ المدينة
نوضعوا زبلنا فالسطل
ولا تلوحوه فالمدخل
لا يدخل الدبان لودنينا
حايدوا الميكة ديروا سلل
ولا تخلطوا الزاج مع الزبل
لا تولي حياتنا روينة
ونسمنوا هاذ العجل
وقصة الجزار تكمل
وتشبع هاذ المدينة
ونحروا هاذ الجمل
والخير علينا يقبل
ونحايدوا هاذ القرينة
ملحوظة:كتبت هذا الكلام على غرار الجرس الموسيقي لأغنية قصة الغرام لفناننا العزيز عبد الوهاب الدكالي التي مطلعها:
نجمعوا خلاص الشمل
قصة الغرام تكمل
وتضوا هاذ المدينة
وأعتبر هذا الكلام إحياءً لروح الأغنية المغربية وعربون محبة لفناننا المقتدر عبد الوهاب الدكالي رائد الأغنية المغربية |
: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=147656 | التوقيع |  أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | آخر تعديل ابو العز يوم 2010-05-27 في 10:17. |
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
