|
فراق الخاين بعد كانت اللمّة جا الفراق والكلام حديث و معاني خاوتك ليا كانت غير زواق ما عرفتك من صحابي ولا عدياني كلامك كان كلو كذوب ونفاق والصحبة خليلة د بلعاني شوهتكم وصلات للعماق ومزال تشوفوا منها ثاني اغدرتيني يا بن السراق وديتي ما اغلى من كياني وتشبت غريق بغراق وداكم الريح الفاني الجيفة ياكلها الضبع الغلاق وانتما تواتيتو يا خلاني حلبات منك كل ما ترزاق وانت ما بغيتي تفراني وهي عايشة ف الحماق مربوطة ف ذيب وكتعاني تفكر مني كلام الحق يجيك يوم تقول اش داني يوم تلاح ف الخندق وتقول ميمتي مكواني قلبي منك يا الخاين ضياق بعد شفت عيبك بعياني كيف يدير حتى يبراق وانت فعلك خبيث وداني بعتي نفسك رخيص ف الاسواق وقلتي يا من اشراني انت اللي قلبتي على الفراق والى نسيتك انا غير نساني |
رد: فراق الخاين اقف اجلالا لعبق حروفك وابحارك في مكنونات الذات الانسانية فاجدني عاجزا عن الرد حيث تسمرت الحروف على الشفاه جزيل شكري وتقديري لما سطرت يداك المباركتان من حروف ذهبية دمت بخير |
رد: فراق الخاين الخاين يالعلام ماخان غير راسو يلا ضيع لعلام يطير ليه نعاسو فين يسمع لكلام اللي يقوي بيه ساسو شكون يهز ليه لعلام وشكون يسخن ليه جلاسو الخاين يعيش فظلام وريه ليا نحيد ليه ضراسو نعفس عليه بلقدام ونتلف ليه ساسو بلا كثرة تخمام يدخل سواق راسو خاين لعلام عدويا نشوفوا نقول يخ تفو والله عليا يعفو حيث لعلام هذا يا لخوت واللي خانو معايا يموت ليه الحوت أتمنى لك مزيدا من التألق أخي وصديقي لعلام الميسوري. |
رد: فراق الخاين اقتباس:
شكرا لمرورك وعبق كلماتك |
رد: فراق الخاين اقتباس:
"سبحان الله شحال من حد ابغى حد ولا راه الحباب وسط الشدة غابو الخوت كلها ودار قفل لبابو فالحزة والضيق ما يتصابو وانا حالي غير زايد ف تعابو الهم والغم والحزان غلة نابتة فترابو بالحق نستاهل نستاهل انا اللي ما درت للزمان بحسابو" بصح ما نقول سير وخليني نقول مرحبا بيك يا صاح فدار صلاح يا زين الرفاكة يا خليل الروح يا من يسمع مني البوح ويسرد كلام بتزمام السمق ف اللوح ويواسي القلب المجروح بكلام أحلى من بو البلوح يفرّح الخاطر ويرد الروح... أعجبت بردك قلبا وقالبا والله ثم والله إن قلمك لبصوب القمم بل سيعلوها بأميال وأميال واصل على هذا الطريق يا رفيق فأنت زجال مبدع أحبك في الله أخي أبو العز والله شاهد على ما أقوله تحياتي وتقديري |
| الساعة الآن 00:53 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd