|
بين المريض والطبيب يحصل الشيء العجيب هذا مريض ضروه عويناتو قالوا ليه فيك الجلالة الجلالة ساهلة حيدوها ليه فرمشة عين بعجالة مشى ليه ضو عويناتو ولات حالتو حالة مريض ضروه لحلاقم قالوا ليه : نحيدوهم ليك قال هاذي ساهلة ماهلة جاه لبناج ضرب ليه شوكة وهو يعواج هاج البحر وماج وناض شلا عجاج وطلعات روحو بين يدين لبناج مريضة ما عجبوهاش وذنيها اللي عطاهم الله ليها قالت : ندير التجميل نقصواشوية من الوذنين زادوا شوية فالوذنين عاود صغروا عاود كبروا بداوا الوذنين يصفروا بقات فالأخر بلا وذنين قانعة بشي لحيمات بقاوا على عنقها مدلين مريض كرشو كبييييرة قال: ندير شفط الذهون نحيد عليا هاذ البالون بداوا فالشحمة يشفطوا وفي فلوسو يسرطوا ويمرطوا حتى دخل فكوما بقاوا اهلو يلغطوا وهوما بقاوا ديما فالشحمة يشفطوا وفي فلوس الناس يسرطوا يشفطوا ويلهطوا ويسرطوا الحمد لله احنا لمزاليط ماعندنا ما نشفطوا مانربيوا كروش مانديروا شحوم وخا نعياوا ما نسرطوا واأسفي على حالنا واأسفي حالنا ما بحالو حال واأسفي |
رد: بين المريض والطبيب يحصل الشيء العجيب رااااااااااااااااااااااااااااااااااااااااااااااااا ااااااااااااااااااااااااااااااااااااائع لم أستطع المرور دون التنويه بهذا النص الجميل و الهادف لي عودة غدا ان شاء الله ليلة سعيدة |
رد: بين المريض والطبيب يحصل الشيء العجيب اللي ما قنع بخبزة يقنع بنصها. واللي ما رضاش بالعمش، العما يواتيه. |
رد: بين المريض والطبيب يحصل الشيء العجيب اقتباس:
وأنا لم أستطع أن أخلد للنوم قبل أن أجيبكما نجلاء ونجلاء ردكما أروع أنوهكما على اهتمامكما بالموضوع هذا نابع من غيرتكما على هذا البلد الحبيب طاب مساؤكما ونوم هنيء لكما لكما السبق إليكما الباقتين: لكل واحدة باقة: http://i.walmart.com/i/p/00/02/55/42...12_500X500.jpg http://i.walmart.com/i/p/00/02/55/42...12_500X500.jpg |
رد: بين المريض والطبيب يحصل الشيء العجيب إيوا هذا سر لي شاطوا عليه فليساتو بغا يزيان ساعة شيان واحد ولى عمى من العميان الثاني بحال يلا عمرو ما كان الثالثة اصبحت ضحكة قدام العديان أما الاخر مدخر الطبيب لي مدخر أما المريض راه تبخر هههههه وبقى لا ديدي لا حب الملوك تقبل زجالنا الكبير أبا العز هذه الكلمات المتواضعة التي أملتها عليها حريفاتك الرائعة هذه اللحظة مع تحياتي و سلامي طيف المغرب |
رد: بين المريض والطبيب يحصل الشيء العجيب اقتباس:
ردك جميل أخي أستاذ هكذا هم بعض الناس أخي يخسرون دم جوفهم ,ويملأون جيوب الأطباء بالمال, المليئة أصلا لأن أغلبهم من عائلات ميسورة, في أشياء تافهة يندمون بعدها ولا ينفعهم ندمهم في أي شيء مساؤك سعيد |
رد: بين المريض والطبيب يحصل الشيء العجيب هادا حال الدنيا وحال الطماع ،القناعة والو ، الرضى والو ،الله يستر. الكمال لله . شكرا "أبا العز" . |
رد: بين المريض والطبيب يحصل الشيء العجيب اقتباس:
مرحبا بكِ طيفا حللتِ علي ضيفا شتاء وصيفا سعدت بردك الجميل الذي جاءني بالليل والليل جميل أشكرك على ما صنعته حريفاتك صنيع بهي منح لموضوعنا نكهة خاصة فعلا بعض الناس ضلت السبيل ولم تعد تعرف ماذا تريد كثرات عليها لفلوس أغلبهم ماتمحنوش على هاذ لفلوس كاين اللي سارقها أو وارثها أو واخذها من عند باباه اللي نزلات عليه بالتشلهيب والتخلويض هذا حالنا طيف وكلها وحالو واللي شاف الله يستر يقول شي حاجة هههههههههههههه طاب مساؤك طيفا |
رد: بين المريض والطبيب يحصل الشيء العجيب اقتباس:
وبدأ يحلو السهر أشكرك الزرقاء على مشاركتك الليلية وأتأسف على الموضوع الذي يطير النوم من العين ويدير الكوابيس لكن لا علينا أيتها الزرقاء إذا كنا سنعري هذا الواقع, ونكشف خباياه التي اعطات ريحتها من زمان, خاص غير اللي ينفض عليها الغبار. دمت متألقة أيتها الزرقاء كما عهدتك دائما ودمت بالجوار. |
رد: بين المريض والطبيب يحصل الشيء العجيب فعلا أخي أبو العز بين المريض والطبيب يحصل الشيء العجيب، الطبيب ما كين غير أجي وجيب ما كين غير الغميق والتشلهيب ما كين غير المعصرة والحليب حلب من هذا وحلب من ذاك وعمّر المجر اللي حداك، ما كين غير جميع الفلوس وسوس ولد المتعوس، قالو سيادنا ناس زمان زوّي الفرخ يبان ليك باه وشحال من طبيب يستغل ضعف المريض ويبقى فيه يزوّي وهو بلا شعور يغوت ويعوي وبوه يمد كل ما يملك حتى يرجع زاوي علّ وعسى يشفى ابنو ويدوي ويقول الحمد لله غاب ضرّي. هادي من جهة أما من جهة كاين لي شايطين عندو الفلوس ما يلقى يخسرهم فشي بديل من غير عملية التجميل ما قنعوش بصورة العلي الجليل وبقاو يبدلو فصورتهم ينقصو ويزيدو يديرو عمليات ويعيدو ما رضاو بحتى صورة وكملوها بالجير وطليس الطباشير كيف الصبورة، امشى الزين وغابت حروفو وحتى حد ما بقى حامل يشوفو اللي ما قنع بخبزة ما يلقاش حتى نصها والنملة لما يبغي يعدبها الله يعطيها جناوح وجناوح شحال من واحد لاحتو فالهاوية وبقى ضال لا دين لا دنيا، اللي ما خرج من الدنيا ما خرج من عقايبها الله يهدينا حتى يدينا وخلاص. أجدد الشكر بأخي وصديقي الغالي أبو العز على مواضيعه الرائعة وحروفه الساطعة وأنامله المبدعةدمت بعز |
رد: بين المريض والطبيب يحصل الشيء العجيب اقتباس:
رد جميل وسرعة بادهة أجمل تستحقين التنويه عليهما أختي طيف المغرب تحياتي وتقديري الخالصين |
رد: بين المريض والطبيب يحصل الشيء العجيب منتهى الروعة صدق في الحال والمقال ونسج للكلمات يحدث استمتاعا خاصا بوركت أيها الزجل المتألق من إبداع لآخر خالص التحية والتقدير أخي القدير ابو العز |
رد: بين المريض والطبيب يحصل الشيء العجيب اقتباس:
هذا خويا لعلام كيف دارت معاك ليام؟ توحشناك مدة ماشفناك ليوم احنا مع سيد الطبيب اللي مطيب لينا لقليب قطع لينا لكبدة مكان السبيب نسى لينا مقص فكرشنا والمصيبة خيط عليه رمى شيفون فمصيرناتنا ويحساب ليه رماه لهيه لمريض غيب شهرين فقد الوعي مسكين بغا ينوض ماسعفوه رجلين بغا يدوي ماطاوعو لسانو بغا ياكل ما تحركوا ليه سنانوا يا ربي آش يدير؟ لمن يشكي؟ وشكون يسمع ليه؟ الطبيب قال ليه: هاذ شي كايوقع وما عليك غير بالصبر نزل عليك قدر مقدر سير دير شهادة طبية واشكي بيا ولا تحن فيا أنا عندي نقابة اللي تدافع عليا شوف انت يامسكين اللي بقات ليك فالحياة غير شي شهرين لا يغروك بعضين وتدير بحال الحسين اللي داز من هنا هاذي عامين ودعانا كاملين شكا وبكا هاج وماج حتى عواج آش صور منا؟ لعجاج دمت قريبا يا لعلام |
رد: بين المريض والطبيب يحصل الشيء العجيب اقتباس:
العفو اختنا بلبلة ردك أروع أختي نحن الآن نٌعري واقعا قدر المستطاع الكل بدأ يعرف ما يجري ويدور ولو يكون في سبع بحور نحن نذكر فقط بوركت بلبلة ودام لنا قلمك الذهبي |
رد: بين المريض والطبيب يحصل الشيء العجيب مريض ضراتو الضرسة بدا يغوت جاتو الفقصة قاليه الطبيب هادي ضرسة العقل نحيدوها بالمهل طارت الضرسة مشى العقل الراجل مسكين هبل جاه نزيف خطير قاليه الطبيب هاك قطينة بحال الحرير شوية او تولي بيخير تاكل عليها او تشبع نعس على جنب الراحة و تربع قبل ما يكمل كلامو مول الضرسة ودع . . . . كلماتك المؤثرة جعلتني أتطفل على حريفات أبو العز الرائعة . . . لك كل تقديري |
رد: بين المريض والطبيب يحصل الشيء العجيب اقتباس:
ما هذا التواضع أيتها الزجالة القديرة حريفاتك أبدعت زجلا جميلا له لمسة من نجلاء الشاعرة الشاعرة بما يجري ويدور من حولها من أمور أضحكتني نجلاء بكلماتك الموزونة المرحة: هاك قطينة بحال الحرير شوية او تولي بيخير تاكل عليها او تشبع نعس على جنب الراحة و تربع قبل ما يكمل كلامو مول الضرسة ودع |
رد: بين المريض والطبيب يحصل الشيء العجيب *********************** شكرا جزيلا لك...بارك الله فيك.. على هذا التقاسم.. ***************************** |
| الساعة الآن 15:34 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd