منتديات الأستاذ التعليمية التربوية المغربية : فريق واحد لتعليم رائد

المقادير:

طريفات الدجاج مقطعين رقاق
كأس صغير ونصف الروز

2كيسان صغار ونصف ماء ممكن اكثر
حبة بصل مشلظة رقيقة
حبة مطيشة مقطعة مربعات
حبة فلفلة صغيرة مربعات
حبة جزرة مقطعة مربعات
2أوراق سيدنا موسى(ضرووري )
2 اعواد قرفة(ضرووري ) ممكن يتعوض براس معلقة قرفة مطحونة
ملح وابزار
خرقوم او ملون اصطناعي

الطريقة:

في طنجرة متوسطة الزيت + البصلة مشلظة +قطع الدجاج +الملح والابزار ونخليها حتى تدبال و نضيف الماء الكافي فاش غادي يطيب الروز، ملي يغلى نزيدو الروز والخضر وضامة البنة وورق سيدنا موسى والقرفة

ودابا نجيو للسر اللي هو ورق الألومنيوم كتغطي الطنجرة بيه وتخفضي درجة الحرارة وخليه على عافية مهيييلة بزاااااااف حتى يشرب الروز المرق وتدخل فيه العطرية والبنة وراق دسيدنا موسى والقرفة الله على ريحة منكوليكمش
يمكن ليكم تعوضو الدجاج بالكروفيت اومديروش حتى الدجاج وممكن كذلك ديرو الخضرة اللي بغيتو او مديرو حتي خضرة حسب الرغبة راه فكل الحالات كيجي روعة كنتمنى تجربوه.