امعايط يا امعايط
النهار وما طال مسند الحايط
ولى عند اهلو واحبابو شايط
قالوا والله اعلم تقطع ليه الخيط

فواحد النهار ركبوه على حمار
ساقوه مكبل بالسلاسل يا حضار
لزاوية بويا عمر
الصكع يغوت ربي اللي خلقو
ها العار يا ناس آجيوا عتقوا
لاحوه فواحد الغار
بقى المسكين مبهوض ومحتار
واش احبابي هاذو اللي لاحوني؟
ولا أنا تالف فالدار
واش اخوتي هاذو اللي باعوني؟
ولا أنا مجنون يا حضار
واش كع وليت هكذا مشرار؟
آش درت لهاذ الناس؟
ياك أنا غير امعايط
واحل فراسي
وفحالي ديما محتاس
مانهش
مانش
مانجبد احنش
ناكل غير اللي على اخوتي شاط
ماندي اخبار ما انجيب اخبار
والنحس ديما عليا حاط
داخل سوق راسي يا ناسي
وما هامني أمر الدوار
ياك عايش ديما جنب الحايط؟
وحافظ لجميع الأسرار
كنشوف ناس تريش فناس
وناس حاظية شي ناس
ونقول فراسي ماكاين باس
هذا هو حال الناس
بقيت ديما ساكت محتاس
ما ندخل سواق
ماندير بواق
كلامي فخاطري مخزون
وراسي فالرمل مدفون
نهار يا ناس نطق لساني بالجهار:
يا احبابي اموالين الدار
بغيت من حقي جوج قطار
امعايط ولى مجنون
ديما مريض معفون
هو الشيطان الملعون
ورثي ضاع يا ناس
بين الخوت
جاني صداع الراس
واش أنا نموت؟
قالوا ناس زمان:
يلا فاتك الكار
شد فالمزرار
يا هاذ الخوت
شحال عندكم من امعايط؟
الورث يديه فيوم الريح
ويبقى امعايط
خرجوا خوكم من ذاك الغار
فكوا سلاسلو
لا تخليوه محتار
دمكم يا الخوت دم مشروك
لا تخليوا الناس فاخباركم تلوك
ولا تخليوا امعايط ديما متروك
راه يلا زرعتوا الشوك
ماتحصدوا غير زريعتو
ويلا زرعتوا الخير
تلقاوا غلتو عند الغير

المشاركة الأصلية كتبت بواسطة أحمد أمين المغربي (المشاركة 136671) كلام منظوم كالعقد الفريد قصة معايط تكرر يوميا في كل زمان وفي كل مكان... بات زجلك يكتسي خصائص تميزه عن غيره.

وردك أخي أحمد منظوم و زين باهي ومكمول:
الجاه يلا جاه سيدنا محمد
ياالله معاه جاه العالي
فينكم يا الزغرتات؟
سعدت بردك أخي حقيقة ماشي مجاملة.
فعلا هاذ لمعايط كاين فين ما مشيتي.
يلا احنا عندنا بويا عمر هوما عندهم مصحات على شكل asiles psychiatriques
واسمحوا لي على استخدام الفرنسية في منتدانا الذي اختار العربية لغة للخطاب .هذا الاختيار الذي أحترمه جدا لأنني من المحبين للغتنا الضادية الجميلة.
زجلياتي المتواضعة كلها لكم أحبائي, وإن كنت قد تميزت فالتميز فقط لإرضائكم .
دمت بالجوار أخي أحمد أمين المغربي حتى النخاع.

المشاركة الأصلية كتبت بواسطة أحمد أمين المغربي (المشاركة 137078) انت فينا شخص محبوب وجميل ههههه العززززززززززز يا ابا العز.

الله يعزك يا أحمدنا العزيز علينا.
حريفات العز وطيور العز ودار العز
كلهم ضاحكين ولاعبين وناشطين معاكم يا ناس العز
عاش العز
عاش منتدى العز
عاش أعضاء العز
اللي أنت واحد منهم يا أحمد أمين.
انت هو لبرو أي الأول.
هههههههههه!
عقلتي على لبرو؟قديييييييييييييييييييييييييييييييمة.
ابحث معي أخي عن الدو أي الثاني.
أضحكك الله أخي.
العز ماكاين غير العز.

رائعة زجليتك يا ابا العز

المشاركة الأصلية كتبت بواسطة مجدولين (المشاركة 137141) زجل جميل استاذي الفاضل الله استر علينا لا نوليو بحال داك المعايط العقل نعمة الله ادومها لينا شكرا استمتعت كثيرا بقراءة زجليتك هذه http://img695.imageshack.us/img695/8283/refqhcom8.gif

مرحبا بك داخل منتدانا العزيز أختي ماجدولين
أسعدني ردك الجميل المليء بالورد والخط العربي الجميل
الله يخلي لينا عقلنا وصحيحتنا
دمت بالجوار أختنا ماجدولين

http://www.mooode.com/data/media/308...443128cez2.jpg

المشاركة الأصلية كتبت بواسطة ommo ahmad (المشاركة 137143) رائعة زجليتك يا ابا العز

وردك أروع أختنا أم أحمد
أسعدني ردك
زجلياتي لكم

تحية الاسلام
تحية النصر المبين
تحية الشموخ والعزة
تحية الكرامة
تحية المرابطين
في ارض الرباط
الى يوم الدين
جزاك الله خيرا
وبارك الله
لك وعليك
حروفك واطلالتك
وعبق كلماتك
بحر من العطاء
لن ينضب
كلماتك سفينتي
التي ابحر بها
في عباب البحر
الى شاطئ
البر والامان
حروفك ابجدية عشق
من سالف الازمان
موسيقى كلماتك الحانية
انشودة تتحدى
السجان والقضبان
قوافيك حصار
يحاصر قوى الشر
والاثم والعدوان
شهادتي بك مجروحة
ارسلها اليك
على جناحي
طائر الفينيق
من عتمة الدرب
الى مصباح
الامل والبريق
دمت بحفظ المولى
باحترام تلميذك
لطفي الياسيني
ابي مازن

المشاركة الأصلية كتبت بواسطة najlaa najlaa (المشاركة 140445) عرفتي شحال من معايط عندنا الله يحد الباس أسلوبك متميز عن غيره بتنا متلهفين دائما لقراءة جديدك لك كل تقديري لقلمك المبدع و روحك الطيبة تحياتي

معايط ديالي واخا مسند الحايط قلبو ابيض مسكين
باغي غير التعادل
إبداعاتي كلها لكم يا نجوم هذا المنتدى
لك مني ومن حريفاتي أحر السلام وأزكى التحايا
دمت بالجوار أختنا نجلاء وعاود تاني نجلاء
ههههههههههه

المشاركة الأصلية كتبت بواسطة ابو العز (المشاركة 140454) معايط ديالي واخا مسند الحايط قلبو ابيض مسكين باغي غير التعادل إبداعاتي كلها لكم يا نجوم هذا المنتدى لك مني ومن حريفاتي أحر السلام وأزكى التحايا دمت بالجوار أختنا نجلاء وعاود تاني نجلاء ههههههههههه

المشاركة الأصلية كتبت بواسطة najlaa najlaa (المشاركة 140458) بلا ما تمحن راسك دير ليها هاكدا نجلاء² ههههه شكرا أخي لك كل تقديري

شكرا لك نجلاء نجلاء على استرسالك في الرد البهي
أعدك أن أكتب اسمك كاملا مكمولا أختي
نجلاء ونجلاء ثم نجلاء
ههههههههه