|
انهض يا حلزون لا تبقى مقوقع مخزون حلزونة حلزونة مالك مقوقعة مخزونة؟ حلزونة حلزونة مالك مغوبشة معفونة؟ حلزونة حلزونة وليتي تايهة مجنونة حلزونة حلزونة آش درتي فهاذ الدنيا الملعونة؟ بنادم يطبخك حية فكسرونة حلزونة حلزونة خرجي وذيناتك لا تبقايش ديما مخزونة هزي لعلام بالعلالي وانتفضي يا مجنونة ما ياكلوش وليداتك يا مدهونة يكذبوا عليك باش تبقاي ديما مدفونة حيث لحمك هشيش ياكلوا بنادم سريط بلا نتيش آش يخسر عليك فِليل ! يجبد بيه احنيش يبلعوا بلا نتيش يحيد بيه الهويش حاولي شي نهار ياحلزونة تخرجي من القوقعة الملعونة وديري ليك خرجة معلومة ديري مع الحلزون سرسوب من حومة لحومة بين درب ودرب ودروب وخرجي وذيناتك لا تقولي هذا عار أو حشومة ناس العز معاك ديما مهمومة ترق لحالك واحوال قرانك المضيومة الوقت حان خُرجي خُرجي وعلى ذوك الدروج دُرجي دُرجي ولا تبقاي ديما مسجونة العز كيتنزع ما يتعطى را لمكسي بديال الناس ما يتغطى العز العز العز ماكاين غير العز يا ذيك الحلزونة المسجونة |
رد: انهض يا حلزون لا تبقى مقوقع مخزون |
رد: انهض يا حلزون لا تبقى مقوقع مخزون كاد أبو العز يشبه المقفع أو جون دولافونتين مع كثرة كتابته عن عالم الحيوانات والحشرات استطاع ان يحقق تميزا لم يتأتى لغيره بوركت على أبواب ابداع نكن له كل الإعجاب. |
رد: انهض يا حلزون لا تبقى مقوقع مخزون وليتي تكتب على الحشرات يا ابو العز والحيونات ونسيتي المطعم ديالك راح درتلو افتتاح ومزال ماشفتيه الله يهديك . جيب الحلزونات الي عندك كاملين واجي الطيبهوم في المطعم هههههههههههههههه راه يتسنااااااااك |
رد: انهض يا حلزون لا تبقى مقوقع مخزون هههههههههههههههههههههههههه قسما الى تقول ضرس العقل بان قبل الآوان هههههههههههههههه قتلتيني بالضحك حتى ضرسة العقل بانتلي واخة مزال ما ناضت لا هي ولا عقل هههههههههههه اودي آ سي ابو العز التلقائية والبساطة وعالم الحشرات هما السر في كتابتك الجميلة تعجب الصغار وتبهر الكبار، حقيقة الأمر حتى ولو تيكون الموضوع عبارة عن زجل هزلي لكن وسط الضحك كاينة القراية والمعنى وسط الحروف وقلتها ليك من قبل تبارك الله عليك القاري يقرى والفاهم يتهجى ويفك الحجى تبارك الله عليك اسيدي تحياتي وتقديري لك يا أبو الحرف |
| الساعة الآن 00:02 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd