2010-05-11, 00:39
|
رقم المشاركة : 19 |
 إحصائية
العضو | | | 
|  رد: دار العز دار طريز الكلام
|  |
المشاركة الأصلية كتبت بواسطة ابو العز
 علام يا علام
نهديك سلطان حروفي
نديرو ليك خدام
ونذبح ليك خروفي
وندير ليك ليدام
مزينك بغزيل
مزينك بنغمة
مقامك عالي بين القوافي
نغمة تعانق نغمة
تطرب ناس العز والحكمة
نعمر ليك صينية القوافي
ونحزم ليك حرف اللام
يرقص ليك على القعادي
ويسخن ليك الميزان
ونشربوا شاينا على لميادي
ويكون لعلام سيد الميدان
شاي مشبشب و منعنع
ريحتو تجيب العطسة
ويكون الحال مشمش مشعشع
ونضحكوا حتى تبان أخر ضرسة
طيوري تغني ليك
ياليل ياعين
وحروفي ترقص ليك
بدل الرقصة رقصتين
نبعث ليك سلطان حروفي
من كازا لميسور
يطير بيك بحال ضيوفي
وحارسو سرب النسور
مزينك بحلة
وبكلامك المنعوت
طلة واشمن طلة
يا صاحبي بو السروت
والسروت هم ناس لمعاني
صحاب طريز لقوال
نعتو فيهم جدود زماني
وقالو فيهم واحد المثال
"الرجال صحاب العز
مالين السيوف الثقيلة
أما البقر كاعما تدّز
واخة تكون صوفتها طويلة"
أبو العز يا صاح
مرحبا بحروفك الغالية
يا قدام الرباح
محبتك فقلبي راها عالية
حتى كان قلمي راح
وصبحت ريشتو بالية
داتو وجلاتو الرياح
لاحتو ف رسام خالية
وبوجودك يا بو الفصاح
ما بقات داتو مسالية
ارجع بسبع ارواح
يعشق الكتابة وفك الحجاية
ينشد ويرقص فكل افراح
والسعد اصبح هو الغاية
اوا اجي نسعدو مع الحضور
ونحطو صينية القوافي
نجمعو اللمة في الكور
ونعمرو كويس مشحر دافي
ويجي فيك هاد المرة الدور
تكون ساقي المجمع الوافي
وانا نفرق اللوز والتمور
والكركاع والعسل الشافي
ونعملو المدهون بدل الحافي
ونرحبو بكل من جا يزور |
|
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
