حروف الدنيا - منتديات الأستاذ التعليمية التربوية المغربية : فريق واحد لتعليم رائد

2010-05-01, 22:08

رقم المشاركة : 1

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

حروف الدنيا

الدينا غريبة وانت غريب فيها

تعيش حياتك ومهما تعيش ما تخلد فيها

لابد ما يجي يوم وتخليها

وكاع لي جمعتيها ما غادي ديها

هادي هي الدنيا

دنيا البارح ودنيا اليوم ودنيا ديال غدا

دنيا البارح عاش بنادم فيها سارح

ودنيا اليوم تزادت فيها المحان والهموم

أما دنيا غدا محال واش تكون فيها اللذة

الدنيا مثلها مثل الثعلب

اليوم يمرح مع الدجاج

وغدا عليه يتقلب

الدنيا مثلها مثل الديب

داخل للقطيع مغطي بكسات الخرفان

فيه صفات المكر والخديعة وأصلو كديديب

هادي دنيا مكونة من حروف

حل عينيك معايا وشوف

راه كل حرف فيها معروف

بادية بألِفْ السُكون

الى تبعتي طيرقو فالظلام تعيش مغبون

تابعهاه المثنية اللي هي اللام

وما بعد الغبينة غير لسقام

وحرف الدال تصفى بالغربال

وتعزلات الذرية من عظم الكبال

وتزادت علة على علة وعطات فدان العلال

وحرف النون المسكون

شنو الفرق بين العاقل والمجنون

وبجوج فاضحين سر بنادم المخزون

وقبل اما تسالي الدنيا كانت حروفها من اليا

وانا قبل ما نسالي نتمنى من ربي يحقق رجايا

ويشيع النور بعد ما تضلمات سمايا

ويتحقق مرادنا وتكمل الغايا

وكيف قالو زمان اللخر مدخر

سلات الدنيا بألف المد

لازمك يا انسان على نفسك تعتمد

قبل ما الباب عليك يتسد

راه ما ينفع لا نفاق ولا حسد

ما ينفع غير المعقول والجد

علام لقبيلة

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=123695

2010-05-02, 13:30

رقم المشاركة : 2

لطيفة المزاج

شاعر(ة)

إحصائية العضو

لطيفة المزاج غير متواجد حالياً

رد: حروف الدنيا

من قديم و طبع الزمان غريب

يقرب لبعيد و يبعد بعيد لقريب

هم الدنيا يزورك في الليالي

يطير النوم من عينيك في عز سواد الليالي

نجيوا لدنيا وحدانين مع صرخة تهز ليها الضلوع

و نرجعو للتراب و القبور بلا ونيس و لا رفيق

ورا الدنيا نجريوا بلا عقل

نسابقو ليام و نترجاوها بالخلود

و ننساو لعمر يقوس ظهور

و يشقق لكفوف

و يرسم خارطة في لوجوه

هي دنيا غرارة تغر بلا قياس

تغر النفوس ضعيفة و يحسب نفسو فيها باقي

ينسى انها الدنيا تقرب لبعيد

و تنهي قبل الميعاد

بحال لخرفان تعد لنهار النحر بعيد

و ما تعرف قرب الفناء قريب

نضحكوا و لا نبكيوا

على الدنيا الغرارة لقرار

و لا على الليالي الي تخفي لوعود

غربية دنيا البشر

كل واحد محكوم بقدرو

تجري بنا الدنيا و ما نردو لبال

هي كالصخر بعلا الجبال

تقيدنا بطموحنا و سلالم لمجاد

بشرى لي قام لرحمان

و عمل صالح في الأوان

رائع ما خططه قلمك هنا زجالي القدير
مودتي

التوقيع

القمَرُ الخَجول

لِلْبَدْرِ وصْفٌ، أرْبعُ..........خَجَلٌ، مِزاجٌ زَوْبَعُ.

شِعْرٌ، فصيحٌ مُطْرَزُ..........لُطْفٌ، هدوءٌ أَعْزَزُ.

بَدْرٌ خَجولٌ، يَرْكَعُ..........لِلَّيْلِ. منْ ذا أسْطَعُ..؟

حسْنُ المَقالِ، راكِزٌ..........مُسْتَكْبَرٌ، ما يُنْجِزُ.

خاليل بادي.

2juin2010

آخر تعديل لطيفة المزاج يوم 2010-05-02 في 13:36.

2010-05-02, 14:57

رقم المشاركة : 3

علاُم لقبيلة

أستـــــاذ(ة) مشارك

إحصائية العضو

علاُم لقبيلة غير متواجد حالياً

رد: حروف الدنيا

اقتباس:

المشاركة الأصلية كتبت بواسطة صعبة المزاج

من قديم و طبع الزمان غريب

يقرب لبعيد و يبعد بعيد لقريب

هم الدنيا يزورك في الليالي

يطير النوم من عينيك في عز سواد الليالي

نجيوا لدنيا وحدانين مع صرخة تهز ليها الضلوع

و نرجعو للتراب و القبور بلا ونيس و لا رفيق

ورا الدنيا نجريوا بلا عقل

نسابقو ليام و نترجاوها بالخلود

و ننساو لعمر يقوس ظهور

و يشقق لكفوف

و يرسم خارطة في لوجوه

هي دنيا غرارة تغر بلا قياس

تغر النفوس ضعيفة و يحسب نفسو فيها باقي

ينسى انها الدنيا تقرب لبعيد

و تنهي قبل الميعاد

بحال لخرفان تعد لنهار النحر بعيد

و ما تعرف قرب الفناء قريب

نضحكوا و لا نبكيوا

على الدنيا الغرارة لقرار

و لا على الليالي الي تخفي لوعود

غربية دنيا البشر

كل واحد محكوم بقدرو

تجري بنا الدنيا و ما نردو لبال

هي كالصخر بعلا الجبال

تقيدنا بطموحنا و سلالم لمجاد

بشرى لي قام لرحمان

و عمل صالح في الأوان

رائع ما خططه قلمك هنا زجالي القدير

مودتي

الدنيا مراية
تعكس بالمقلوب
الدنيا اشفاية
لكل مغلوب
الدنيا غاية
لصحاب الذنوب
الدنيا عباية
ما تستر المحجوب
الدنيا جراية
تطير ف الهروب
الدنيا حجّاية
بدات بالكروب
الدنيا سقّاية
بدم الحروب

الدنيا باب
للبيت التاني
الدنيا كتاب
فيه قريت احزاني
الدنيا عتاب
واجهت بيه كياني
الدنيا حساب
صغير لزماني
الدنيا تراب
الغاشي فيه رماني
الدنيا ضباب
ريحها فاني
الدنيا سراب
لكل إنساني
ما عارفها سباب
غير لعبادة الرزاق الغني

قلمك آنستي جوهر للإبداع الفصيح ودرر في الإمتاع الزجلي
تحيتي لك ولقلمك
دام لكما الإنسجام بمزاج مشترك:d