|
حكايتي حكايتي رواية فريدة وقصة الى حكيتها لك يا السامع يتفكرها عقلك وما ينـسى ويتخيلها قلبك وهو دامع ******************* خلاقيت فيوم انا وحرماني مــا عرفـت طعم للفرحـة تعذبت في حياتـي وزمانـي عشت بين قلــوب قـــاصحة ******************* تحرمــت من العطف والحنان وانا عمري مزال صغيـــر خايف مانـــي ف أمـــان تايه ربـي واش نديــــر ******************* جبرت الخير ف الغيـــــــر ما لقيتو ف حبابــــــي قولو لي ش تفسيــــــــر بسباب سقامي واعذابـــي ******************* يا عارف العذاب بكلمــة خصك تعيشو كإحســــــاس يخرج قلبك من الضلمــــة وترفق بقلوب النـــــاس ******************* يا الكاوياني في صغـــري رانـــي نترجى رضـــــاك بإيماني في الله وصبـــــري نتمنى الجنة تكون مثــواك ******************* تمنيت ننســـى ليـــــام ونسى معاها كل اعذابـي تزول الغبينة ولسقـــام ويتبدل حالي ومكتابــــي ******************* ما قدرت ننسى القهـــرة ولا عمرها زالت من راسـي لحمي فيه شحال من ضبــرة نحثها الزمان القاســــي ******************* الى انا رضيت بعيشة الذل راني نقول لابد ايجي يـوم تغير حياتي وتبـــــــدل وتزول من سمايا الغيــوم ******************* ربي ما يسمح في عبـــادو واخة في حياتــي نتخـــص يوم حسابــو وميعـــادو نتجازى على صبري ونتخلـص ****************** صـــ الغيواني ــــلاح منقول من احدى المنتديات المغربية |
رد: حكايتي ممنوع الشعر المنقول يجب نقله الى القسم الناسب الابداعات الادبية المنقولة |
| الساعة الآن 14:23 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd