منتديات الأستاذ التعليمية التربوية المغربية : فريق واحد لتعليم رائد

- الشعر والزجل (https://www.profvb.com/vb/f213.html)

- - أنا حبة رمل مغربية (https://www.profvb.com/vb/t26296.html)

أنا حبة رمل مغربية

مشيت لبلاد الروم والعجم يا ناس
تلاقيت مع حبة رمل مرمية
شفت فيها وحنيت الراس
قالت: أنا حبة رمل مغربية
اديني معاك آخويا للبلاد
ولوحني فالصحراء المغربية
جيت لاصقة فواحد الصباط
حاركة لهاذ البلاد العجمية
صابني يا خويا الاحباط
وتوحشت ناسي لعزاز علي
جيت للروم و العجم فالغلط
خوذني رميني وسط الصحراء الغالية عليا

رق حالي لحبة رمل البلاد
شميتها لقيتها فعلا حبة مغربية
درتها فجيبي يا عباد
وخرجتها من الحدود العجمية

قطعت بها بحور وويدان
وجبتها للصحراء المغربية
نطت من جيبي وجابت ميزان الجواد
ونظمت شلا اقصايد صحراوية
فرحوا ليها حبيبات رمل البلاد
وقدموا ليها مليون هدية

رد: أنا حبة رمل مغربية

حبة الرمل مهما قطعات أمواج وديان

حبها لبلادها في القلب ديما ساكن

حبها لناسها لنفحات هواها

لشجر التفاح و زيتون و الرمان

خلاها تحن وترجع لبلادها

بريق شمسها و ضي نجومها

خلاك تهجى حروف بكلام موزون

حبرك من دمها يحكي حالها

حكاية تدمع تفرح لها العيون

عشق لبلاد في القلب يقين

يبقى مدى الدهر و طول الزمان

قالوا ناسنا وجدادنا لقدام

اللهم قطران بلادي و لا عسل البلدان

ههههه غير قبل على هاد المحاولة و تطفل عليكم في الزجل
مودتي اخي الكريم

رد: أنا حبة رمل مغربية

جميلة جدا أخي أبو العز
أنطقت حبة الرمل المغربية بزجلية فنية رائعة
كل التحية والتقدير لإبداعك المتواصل
تحيتي

رد: أنا حبة رمل مغربية

جزاك الله خيرا أخي الكريم وأحسن إليك الكل مغربي ويعشق بلده رغم المؤامرات وسيلسة التفقير والتجويع والمخططات الارتجالية.
دمت متالقا يا غالي

رد: أنا حبة رمل مغربية

غيرة وطنية .. محبة من أعماق الفؤاد و الصبا ..
انسياب حرفي عبر شلال التغني بأرض الأجداد ..
ووقفة تحتفي بالقضية و للقضية ..

حكاية زجلية رائعة ، دمت دائم التألق.