|
بغيت نكتب بغيت نكتب وما لقيت الجهد قربت للخيمة وقررت البعد البال تغاض والخاطر اتحد ثلجت صدري حتى زاد اجمد صبرت ف التعمار حتى الصبر تحد شفت شوفة العمى اللي تهد تغاصت ليا اللقمة من بغيت نزرد وانا غاوي الحرف من سوايع المهد نبغيه يكون قاصح حار بالجمر يزند نبغيه يكون عالي فالحساب بلا عد نبغيه يكون معنى يتعنى بالصد نبغيه يكون قرطاس رصاص صوتو رعد نبغيه يكون برق حاسف ف القد ويكون هارف على العارف يقرد ونبغيه يكون عسل ما خطاه شهد يكون للعشاق بلسم وللغلاق ضد يدافع على روحو وجوابو بالند متواحد مع خوه حاط اليد ف اليد سوى سعيد ولا حزين يكون رزين يرشد يتقى مولاه يشكر ويذكر بالحمد يرفق بالعباد ويوافي بالعهد وعسى نلقى فهاد المرة الرد حيث القاريين بزاف والفاهمين ولا حد |
رد: بغيت نكتب وعسى نلقى فهاد المرة الرد حيث القاريين بزاف والفاهمين ولا حد ههههههههههههههه والله يجعلنا من القاريين الفاهمين أكتب يا أخي ونحن نقرأ ونستمتع ..ولحرفك الزجلي ألف ألف تحية |
رد: بغيت نكتب على بالك اختي راهم قلال اللي يجاوبوك برد ولاحظت بلي راهم محسوبين اللي يردو وغير هما اللي كاينين ومن غيرهم غير المارين مرور الكرام واللي مزاحمين معاك ف المايدة بلا فايدة وتحياتي ليك ولكل من يعز الحرف ويعطيه قيمة |
رد: بغيت نكتب بسم الله الرحمن الرحيم: سيدي بغيتي تتكتب،الله عطاك القريحة وحرف كيف ما قولتي رصاص وعسل. احنا باراكا علينا القراية والرد هو اللي نفهموا ليه،او بمعنى أصح نقدروا عليه. اللي قرا وفهم واستمتع ولاّ الرد عندو فحكم الفرض. أما اللي ما قرا مافهم مارد،ماعليه كلام حيت ترفع عليه القلم. واللي قرا وافهم واستمتع وما رد،بخيييييييل الله يعفو علينا كاملين. تحيتي أخي الكريم. عبقري في الزجل والحكمة،الله يديمها عليك نعمة. |
رد: بغيت نكتب انتما ناس الفهامة والقراية وما عليكم ملامة ولا شكاية وقبولكم بحرف الحال هو ارجايا تحية زجلية |
| الساعة الآن 14:26 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd