|
فكاهة فكاهة __________________ضحك شويا مع هذ النكت هذا واحد الراجل نهار بغا يموت قال لولدو مني نموت قول لناس راه مت بالسيدا باش حتى واحد مايتزوج أمك **************v********************************* واحد الرجل سوّل مرتو: شحال من عام باش تزوّجنا؟ جاوباتو: 25 عـــــــــــــــام قال ليها: كون قتلتك كون دابا خرجت من الحبس ************************************** واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم هاد الحاجة غريبة لدرجة أنك ما غادياش تايقيني وغادي تقولي عليا كذاب ولكن أنا راه ماشي كذاب، ونتي اللي كذابة، وطاسيلتك كلها اللي كذابة يا قليلة الترابي وسيري راكي مطلقة كاع ****************************************** شمكار جا وقف عليه واحد قاليه خويا خاصني كلوة بيع لي وحدة و نعطيك 30 مليون الشمكـــــار سمع 30 مليون تقلشو ودنيه و طارت التبويقة قاليييييييييييييه اش بان ليك تضرب معايا فكولشي خلي لي غير النيف ************************************** واحد مشى لطبيب باش يحيدلو مسمار دخل لو في رجلو ، قالو الطبيب بـ 10000 ريال جاوبو وقال صافي غير عوجو وخليه **************************************** واحد عيط لمراتو وقال ليها : وجدي ليا الما السخون قال ليه صاحبو : وايني راجل أصاحبي قال ليه الراجل : إيوا شنو بغيتي نغسل الماعن بما بارد؟ ************************************* هادا واحد كعيقل بزاف، تلاقى مع واحد صاحبو، سولو صاحبو باش تغديتي؟ قال ليه بالحوت ومن بعد عام، تلاقى بهاداك صاحبو نيت وهو يسولو وا كي داير؟ جاوبو مقلي ********************************* هادا واحد ماعمرو ما مشى للرباط نهار مشى ليها، لقا ف الدخلة ديالها بلاكة مكتوب عليها " الرباط سلا..." هو يقول لصاحبو : هاد الرباط ما لقا ايمتا يسالي حتا جينا ليه حنا ************************************* واحد الموظف بغى يعيط للعساس يجيب ليه أتاي وهو يغلط ف النمرة وصدق معيط على المدير ديالو قال ليه : جيب ليا واحد أتاي للمكتب ديالي وطلق راسك أ لحمار قال ليه المدير : واش عرفتي مع من كتهدر؟ قال ليه الموظف : لا قال ليه المدير : أنا هو المدير أ لحيوان قال ليه الموظف : ونتا عرفتي مع من كتهدر؟ قال ليه المدير : لا قال ليه الموظف : إيوا الحمد لله وهو يقطع ********************************** واحد خايب بزاااااااااااااف بغى يخطب وطلبو منو صورتو عطاهم التصويرة وكتب عليها وعسى أن تكرهوا شيئا وهو خير لكم ************************************ هبيل سولوه : الزيتون فين كينوض؟ قال ليهم : كينوض في الكاشير *********************************** الولد : بابا بغيت ناخد كيري الأب : والله ماتاخد غير بنت عمك طامو الولد : بابا راه كيري فرماج الأب : حتى طامو راها زبدة أش كتعرفو فالزين ********************************** واحد المكلخ كان غادي ولقى 4000 ريال وهو يبدا كيفكر : غادي نعطي 1000 للوالد كايتسالها ليا و 1000 للوالدة كاتسالها ليا و 2000 اللي كايسالني مول الحانوت وهو يقول : اوا اش غادي يبقى ليا ؟؟؟ !!! و الله لا هزيتها ********************************** قررت شرطة المرور تكافئ كل واحد داير حزام السلامة لقاو واحد مبوق سايق طوموبيلتو وداير الحزام، وعطاوه 2000 درهم وسولوه : أشنو غادي تدير بهاد لفلوس؟؟ قال ليهم : نزيد عليهم ونمشي ندوز بيهم لبيرمي 😅😅😅 ************************************ واحد كذاب بززززاف قال لواحد صاحبو : أنا خلاقيت ملي كان قوس قزح بيض وكحل !! وهو يرد عليه صاحبو حتى هو طيارة في الكدوب قال ليه : انا تزاديت فــاش كان البحر الميت باقي مريض فالسبــيطار ********************************** هادا واحد الراجل دا ولدو للسوق باش يعلم ليه الألوان ورا ليه ماطيشة وقال ليه : شوف أولدي، هادي ماطيشة راها حمرة واخا كتبان ليك صفرة، راه غير باقا خضرة *********************************** واحد سول صاحبو : باش سالات المضاربة ديالك البارح مع مراتك؟ جاوبو : جات عندي راكعة على ركابيها وقالت ليا : خرج من تحت الناموسية أ لخواف ********************************* واحد الشيباني قال لصاحبو : في أيامات الشباب، كانوا لعيالات يجريو يتبعوني قال ليه صاحبو : ودابا؟ قال ليه الشيباني : لا دابا صافي، عفى عليا الله من الشفرة ديال السيكان ********************************* هدا واحد كيجري مورا التران، يطيح وينوض، يطيح وينوض الناس كاملين اللي راكبين ف التران كيموتوا عليه بالضحك ناض واحد طل عليه من الشرجم وقال ليه : وبركا أصاحبي، راه قتلتينا بالضحك قال ليه هاداك الراجل : إيوا دابا تموتوا بالخلعة راه أنا الشيفور |
| الساعة الآن 01:08 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd