|
جاوبني : - اشكون احسن ليك والديك والا اصحابك اخلا دارك?!!! بقلمbouchaib56 المجذوب يقول كنت اكريم يبايعوا لي كل اصحابي ملي اخوا الجيب كرهوني حتى لقراب من انسابي ضربتني الفايقة بحال الى صبيتي علي ما لخوابي فين ذوك اللي كانوا دايرين بي ينسوني ف عذابي شركوا امعايا الحارة ولحلوة تكلموا في ف غيابي زرعت ف قلبهم محبة الود لا من يطوف باعتابي تختار فيهم ولد ناس اتعاشرو تقول احسن الترابي منهم من كانوا مشرفيني يزيدوا ف تطبيل ترحابي يبيعوا القرد ويضحكوا على مسكين غبي بوجلابي انادرت راسي ف نخالة معيوفة وأفقدت كل احبابي الى عملت خير نختار له وحدين من أهلي وأقرابي الوالدين في القران نقسم معاهم ماكلتي واشرابي ولو نوزنهم بالدهب والفضة وانفرش ليهم الزرابي ما انرد ليهم خيرهم ولو من صغري حتى لشبابي ما انسى نقول أبا وأمي ف هاذ الدنيا هما أسبابي تعروا وتحفوا ما لبسوني غطوني تلفت ف اجنابي دايمين لي على اللي عيت مانعمل امعاهم اصوابي والديك هما اصحابك يرضيوا عليك من كل ابوابي تدخل الجنة قدامك الحوريات العين بشتى اثوابي رسالتي لمسخوط والديه تكون لوعبرة من اجوابي كان بيناتنا ف هاذ جماعة خليوه يذوق من اعنابي بقلم bouchaib56 |
| الساعة الآن 18:54 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd