2010-08-19, 05:06
|
رقم المشاركة : 54 |
 إحصائية
العضو | | | 
|  رد: لعبة البحث في ثرات الاغنية المغربية
|  |
حسين التولالي : لله يا الشمعة سلتك ردي لي سآلي
من روائع الملحون المغربي : لله يا الشمعه للشيخ حسين التولالي
غنتها له مجموعة جيل جيلالة اوائل السبعينات
يحاور فيها شمعة بدت له باكية تذرف الموع وتقاسمه وحدته
يقول لها
لله يا الشمعة سلتك ردي لي سآلي
ش بيك فالليالي تبكي مدى انت اشعيلا
علاش يا الشمعة تبكي ما طالت الليالي
ش بيك ياللي تتهيء لبكى فكل ليلة
علاش كتباتي طول الديجان كتلالي
وش بيك ياللي وليتي من ذ البكا عليلا
علاش كتساهر داجك ما سهرو نجالي
ش بيك يا لي ما رينا لك فلبكى امثيلا علاش باكيا مدالك للباكي والسالي
وش بيك يا للي تنصرفي بدرارك لهطيلا
وعلاش باكيا روعتي ناس لهوى امثالي
وشبيك ياللي ظاهر حالك حالة لى وحيلا
/////
علاش باكيا وانت فمراتب المعالي
وش بيك ياللي فيك اوصاف العاشقين صيلة
////
اذا نشوف لصفرارك يصفارلو خيالي
واذا نشوف دبلتك زادت لخاطري دبيلة
سلتك لله عيد لي اش جرالك
وعلاش باكيا مدا لك
وش كان قصتك وش انهو داك
اش نهو داك باش رق خيالك
وكمن قامتك جنحالك
وتبات باكيا لحبابك وعداك
لي دون خفا احكي بما فدخالك
وحكي قصيتك نصغى لك
وانا قصيتي بها نتعداك
******
لو جيت يا الشمعة نحكي لك كل ما جرى لي
تنسى غرايبك وتسمعي لغرايبتي طويلة
اذا باكيا من نارك نيران في ادخالي
عدات كل نار فداتي وجوارحي عليلة
واذا باكيا باسقامك شوفي اسقام حالي
من قيس وارثو بعد فناه اسقام حب ليلى
واذا باكيا بفراقك مفروق عن اوصالي
وعل الفراق صابر وش صبرني عل لعقيلة
وانت منين جاك تحكي لي لولي وتالي
ما فارقة خليل بحالي ما فارقة خليلة
//////
تقول باكيا عند خيام السمر والليالي
ولا على بطاح وما دار فمقام ليلى
ولا على فراق الي عشق حيها بحالي
عربان آمنوابالمختار شحال من قبيلا
//////
سلتك لله عيد لي ما اصابك
واش كان سبتك فمصابك
لي احكي خطابك وانا نصغاك
الغريم فاللغا يسطابك
يستغرب من لا تحدثو بخطابك
ويجول في حديثك وجواب لغاك
لو كنت ذات شاكية بعذابك
يعماو يرباوا بالدموع اهذابك
لو كان لي كفاك تصرخي بلغاك
/////
بلسان حالها قالت إلى ما اخفاك حالي
يكفاك يا السايل عن حالتي وحيلا
/////
في صولة العمالة كنت وكانوا لي فضالي
قبايل لجناح لا تحكي كيفها قبيلة
يشيدو بروجك من لعمالة كل برج بالي
ويعمروا بروج من مواهب ربنا جزيلة
فيهوم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو ليا هزمو بالحامية ابطالي
تركو عمالتي بعد العز فحالها ذليلا
وليت للعصارة شهدي صفاوه من امصالي
صابوه قوت ودوا للذات الفانية لعليلة
ومن امصالي صفاو شماعي يا للي صغا لي
وحكايتي للقدام القصة باقيا طويلة
******
اسايل ليا ني يتدبروا لمسالك
تركوا حشاي في هالك
لو كان من الهند قوامي يهلاك
داروني فتخوت زي ما يبدا لك
تبغي فقلبها عذالك
يتختوا حتى اسمتواو بلاك
وخرت من لتخوتها لمهالك
لقساوة الشموس كذلك
باش يقصروا بهواجر وفلاك
وعلفتيل لفو توراقي يا لي صغا لي
بلا هوادة شعلوا فمواسطي فتيلا
/////
ومتون من اطرافي تنشيها بلا عوالي
ونلوحها على الحسكة قطرة صافية صقيلا
/////
نتفكر لعمالة وتزيد فراقها نكالي
نتفكر القصرة ونعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
فيا مسلمين حبابي وسلامتي قليلة
شحال من هلاك جرى لي كيف ما نبالي
يا شوم ليعتي وبلايا وصادفت كل حيلة
شحال من هلاك لي اما الشعيل تالي
هذا العشور فالواقع بيا غاية القتيلا
////
سال اهل الحضرة اذا فرقت ابطالك
وقبايل الجناح رجالك
راك مع ارجالن يزهاو معاك
بفنهوم يدركو ما يزها لك
وعلى السرور نادى فالك
وديار كيراعيوا كما يرعاك
بيك يسهر فكل داج الحالك
واذا ينصرف مشعالك
تدعي بالفراق ويقبال دعاك
/////
و علاش يا الشمعة تبكي و انت بشان عالي
وجدوك يا الشمعة فمجالس رايقة حفيلا
وتبات يا الشمعة ترثي فضريح كل والي
و شحال من مقام يشعلوك اهلو وسيلة
وتبات يا الشمعة بين اهل الشرح ولمثالي
وعليك تنشرح كتوب البازغة الجليلة
وتبات يا الشمعة بين اهل المال والموالي
وعليك كيصرفو الاموال الطايقة الثقيلة
وتبات يا الشمعة بين العشاق ولغوالي
وعليك تا يشاهد الخليل محاسن لخليلة
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
نبغيك يا الشمعة تبكي في حرة الليالي
وانا على ذنوبي نبكي فمقام دار ليلى
///////
ذكرني يا حبر اللغا بشعارك
لي يخبروا بخبارك
يدريو من يكون سواي وسواك
ناري نحكيها لكم لعشور فنارك
وسرارها تجي لسرارك
قصة من قصايص عشقك وهواك
فاش يجيوا يقلبو دينارك
من خالص الذهب عيارك
يخفى على الذي ما داواه دواك
شحال قلت لها من قوم يطالبو جدالي
وشحال من جحود من جدالي باقيا جديلا
شحال من عقود عليهم تذكار من لآلي
مشهودة عليهم بمعاني رايقة نبيلة
واذا نتبع عداي بعد الهروب من قوالي
نيشاني يلحقهم وصوارمي ثقيلة
غابوا اهل الهوى واضحى سوقي منهم خالي
ولاو بيه يدعيوا من لا لهم بيه صيلا
الصمت خير لي من قومان سكاتها اولى لي
من لا بفايدة فادوني المعارف الرديلا
لو كان قاصهوم هواي يستحسنوا قوالي
تسلم قلوبهم بالسنة والفرض والنفيلا
وسلام ربنا للودبة ما فاحت لغوالي
بالورد والزهر ونسري ونسايمو وسيلة
واسمي نبينو ما يخفى موضوح في ازجالي
محمد الشريف بن علي ولد الرزين صيلا
|
| التوقيع |  أينكم يا غايبين ؟؟؟؟
آش بيكم دارت لقدار مابان ليكم أثر ولا خبروا بيكم البشارة | |
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
