منتديات الأستاذ التعليمية التربوية المغربية : فريق واحد لتعليم رائد

جبتلكوم واحد الاكلةنتمنى تعجبكوم
المقادير
نص كيلو ديال بطاطا
كاس ديال لحليب
5 ديال مكعبات فرماج
4 ديال البيضات
3 ديال مطيشات
5 ديال الفلفلة الخضرة و الحمرة
شوية ديال المعدنوس
ملحة. شونية. لبزار. كامون
فرماج محكوك
كشير
زيت
و الكفتة او كبدة او القلب الي موجود
الطريقة
منقطعو بطاطا طريفات صغار على شكل مربعات و نديرها فشي طاوة ونديرو الماء و ملحة ونخلوها تسلق و نقطعو الفلفلة و ماطيشة طريفات صغار و نقطعو معدنوس و نديرو الملحة والشونية و لبزار و كمون وزيت ونديروها فشي مقيلة ونخلوها الطيب شوية ومن بعد كديري اما الكفتة ولا الكبدة الي حب الخاطر
من بعد ما كيطيب كلشي كتصفي بطاطا و كطحنيها وتخلطي معاها الحليب و البيض و الفرماج مزيان و كتجيبي اللطا و كتطليها بالزيت و كديري فرشة ديال بطاطا و فرشة ديال فلفلة و مطيشة الى وجدناها وكديري عوتني فرشة ديال بطاطا و كتحكي الكشير فوق من بطاطا و الفرماج محكوك و خشيها في الفران و بصحة و الراحة
نتمنى تعجبكوم