حوار مرتَقب قريباً.

- حْصْلْتي
- علاش ؟ واشْتا دْرتْ؟
- ماقريتيش الأخبار؟ ما قالكْش لمقدم؟
- آ سيدي أنا ما قارياش. ومليّ كملتْ الدّار ما شفتْ المقدم.
- آ للاّ راه عندك مُخالفة. غرامة وخصم نقط.
- هاد شي كا نسمعو غير عند لي كا يسوقو السيارات وأنا ما عندي سيارة.
- عندك غرامة على اللباس وخصم 5 نقط من المُواطنة.
- آشمن لباس.
- واش ما عارفاش بأن البرقع ممنوع.
- آشمن برقع؟
- هاد الشي لي راكي لابسة.
- ما لابسة برقع .هذا خمار.
- المهم.في الصورة الّي عاطْيين ليَّ، مكتوب بُرقع.
- حنا نلبسو ونتوما تسمّيو.
- والآن غادي تقولي لينا من أي محَلْ شريتيه؟
- ما شريتوش.أنا خياطة و فصلتو رّاسي.
- حْصْلتي عاود تاني. الغرامة غادي تزيد مليّ نْتي خياطة.
- واش مهنة الخياطة تُهمة.
- لا. لكن المنتوج ممنوع.
- إوا طْلية هادي.
- واش تخلصي في الحين ولا ندْفعو للمحكمة.
- و ما كاينش شي حل زعمة.
- نعطيوك سيمانة تعاودي تفصلي هاد البرقع وتخرجي منّو واحد ال10 صايات. وِلا كُنتِ خيّاطة مْعلْمة تقدري تْخرجي حتى لminijupes20. عندك باش تلبسي العام كامل. ولا بيعي كلشي النْقاقْبْ ديالك وشري شي دجين مْثقْبْ. راهمْ à la mode.
- إيوا لْعجْب هذا.المنقب ياكلْ لْعمودْ والمثقب آلامودْ.

شكرا صانعة النهضة على تفاعلك مع النص.هناك اياد مانعة للنهضة.إنهم يدبرون بليل. إنهم يجعلوننا نصدق ما قاله رئيس الحكومة عن العفاريت والتماسيح. إنهم يجرّوننا إلى المستنقع.