لخوتنا من شعب الجزائر انوجه اسلام


بقلمي

انركب احروف ال كلماتي وانوجد لقلام

بعدما انصلي اعلى نبينا اصلات واسلام

انشيد بمغريبنا الحبيب وانهز ليه لعلام

بين أوروبا وافريقيا وامريكا طاير كالحمام

حسدوه اعلى صحراؤا أوزرعوا ليه الغام

غلقوا الحدود أو هجروا أو قطعوا لرحام

اللي قال يحيى خوتي لمغاربا لجموه بلجام

خوتنا كنا انواسيهم حتى ف زلزال أصنام

جزايريين وامغاربة متعايشين اعلى الدوام

انزوروا اولادنا عندهم انشوفوا معاهم لعمام

داروا ليهم حواجز اوزادهم في فامهم اكمام





تحراشهم اعلينا جماعت البوليساريو احرام

اشحال احنا تعاوننا معاهم أو حاربنا اجرام

طالبنا بالحكم الذاتي باش ننهيوا كل خصام

ما قال شعبنا وسيدنا من عيب ف هاذ لكلام

خوتي غرضنا ندفعوا بمغرب عربي ال قدام

أونتعايشوا ف راحا اوسعادت شعبين بسلام

اقني علي نقني عليك براك علينا من تخمام

الوقت ايدوز اعلينا واعلى احفادنا واحنا نيام

متى تشرق شمسنا نتحدوا ونعملوا بحال اقوام

البوليساريو غادي ايحيد اشحال ابقى من اعوام

جميل ورائع .. شكرا لك .

شكرا لمروركم على قصيدي وهدا واجب
فما احوجنا الى اعلام يدعم ثوابتنا واحقيتنا
في صحرائنا والضرب على الايدي الطامعة
فيها تبقى الصحراء ديما مغربية
ولامساومة في حبة رمل من رمالها