آجي نحكي لْكُم نهار خدمت فذاكشّي آجي نحكي لْكُم نهار خدمت فذاكشّي كنت دري صغير وذاكشي ماعارفشي , ماخابرشي كنت خدام من ذاكشي كنردد كلام كان فعقلي محشي بحال ’’حسن من شي وكرف من شي’’ و’’ماعنديشي و ماخاصنيشي’’ دازت ايام ...وذاكشي لقيت راسي فقوقعة مخشي ماسامعشي , ماشايفشي ماواكلشي , ماشاربشي آش هاذ شّي ...؟؟ وانا على هاذ الحال مقوقع مخشي جاوني موالين الشّي خنزروا فيا وذاكشي... قالوا ليا جمع كلشي وخرج من هاذشي لاش تبقى ديما مخشي؟ بغيتي تقوقع ارْشي وانا حالف مانرْشي هجموا عليا وذاكشي وسْلُّوني بدْمّي من قوقعتي لي كنت فيها مخشي دَخّْلوا ليها واحد بنادم من ذاك شّي حتى هو ناوي يخدم فذاكشي وبقيت أنا فجلدي مخشي البرد فعظيماتي يرْشّي وبنادم فسراري يفْشي خاب ظني فموالين شّي قالوا ليا سير مْشي ظنيتها ترقية وذاكشي ساعَّ هوما طامعين غير فالقوقعة لي كنت فيها من زمان مخشي بقلم : ابوالعز |
رد: آجي نحكي لْكُم نهار خدمت فذاكشّي اجمعتي كلشي في هاد الشي و دمت رائعا أخي الفاضل أبو العزّ مع خالص تقديري |
رد: آجي نحكي لْكُم نهار خدمت فذاكشّي شكرا لك على التقاسم سلاميــ |
رد: آجي نحكي لْكُم نهار خدمت فذاكشّي تقاسم جميل شكرا لك . |
رد: آجي نحكي لْكُم نهار خدمت فذاكشّي خالص تقديري على التقاسم الجميل اوداكشي |
الساعة الآن 11:14 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd