|
صيح ! صيح ! وزيد فصياحك يا صياح صيح ! صيح ! وزيد فصياحك يا صياح ياصاح ياصاح صيح صيح بلسان فصيح ويكون صياحك صريح صيحة بصيحة يحمى لصياح ولصياح محماه ياصاح وتهب علينا رياح تشفينا من لجراح وتجود علينا بصباح مافيه شكا مافيه نواح مافيه بكا مافيه قراح نقيموا عراس نقيموا فراح ندقوا جراس مسا وصباح وننساوا كل ماراح ونعانقوا هاذ النور اللي من بعيد تلاح ونذبحوا عليه ثور ونقيموا ليالي مْلاح ونديروا شطحة لحلال اللي نسيناها من هذا شحال ياك الزمان ديما بينا شْطّاح ؟ شطحة تحيي فيك جراح وشطحة تجود عليك بنواح هاهي جات...هاهي جات شطحة لفراح نوض دردك...وعاود دردك حتى يشقشق الصباح ونديروا شطحة لحلال تفكنا من هاذ لغلال وننساوا مادار علال ذاك الصباح ملي نزل للقادوس عريان ودايرين بيه العُربان بالصياح شي يصفق ليه شي يضحك عليه والحقيقة اللي ضاعت وسط لصياح وعمقت فينا لجراح هي شحال خاصنا من علال ؟ وشحال خاصنا من براح ؟ مانفعت فينا نغزة مانفع معانا صْياح مانفعت فينا غمزة مانفع معانا براح صيح صيح يا صياح صيح بلسان فصيح صيح صيحة تسمعها الجبال وترجع ليك صداها صيح صيحة تفهمها لغوال وتبعد عليك بلاها صيح صيح ياصياح دير مادار العبد الملحاح صيح وزيد صيح ياصياح كثرة لصياح تبرد لجراح بقلم : ابو العز |
رد: صيح ! صيح ! وزيد فصياحك يا صياح كلمات لها وقع وصيحات مدوية عن وقائع ، نبهت الى نقائص وخلل واضح . شكرا لك اخي ابو العز على شحنة الخطاب الشعري . |
رد: صيح ! صيح ! وزيد فصياحك يا صياح يا صاح صيح يا صاح، راه الناس هزتهم الحملة والجمل الصايل عكلوه ارجع صغير نملة لِ نفنف اهزّ لكتف اصبح راسو في الرملة غي صيح أخويا صيح ههههههههه هذا طابع خوك أحمد اتبارك الله على الزجال المبدع أبو العز تقديري الكبير |
رد: صيح ! صيح ! وزيد فصياحك يا صياح اقتباس:
كم هي جميلة هذه الطلة الطيبة يا أخي الكريم القرشي , فعلا هناك خلل ما داخل مجتمعنا مع كامل الأسف , علينا التصدي له , كل من موقعه , وحذار أن نبقى مثل النعامة التي ماأن لاحظت اقتراب القناصين حتى أدخلت رأسها تحت الرمال , دمت لنا بالجوار , فهناك دوما الجديد إن شاء الله . تحيتي الأخوية . |
رد: صيح ! صيح ! وزيد فصياحك يا صياح -**********************- شكرا جزيلا لك..بارك الله فيك..شكرا جزيلا لك بارك الله فيك..شكرا جزيلا لك..بارك الله فيك -*********************- |
| الساعة الآن 00:30 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd