|
الفقر يشطح ليا وانا نغني ليه الفقر يشطح ليا وانا نغني ليه نبكي أنا على حقوقي اللي ضاعت بين يديا جمد الدم فعروقي وبرد الما فركابيا شكون يداوي حروقي ويبرّد الصهد اللي فيا ندافع أنا على حقوقي واخا الزمان خوا بيا نبكي أنا على ذوقي اللي تلفوه شي ناس ليا ضاع ليا راس الخيط وضيعت حياتي نقلب عليه وليت فهاذ الدنيا شايط بوهالي لعقل هارب ليه وليت ك ذاك اللي مسند الحايط وخايف شي نهار يطيح عليه غير لبارح كنت راجل مزيان جميع الناس ترحب بيه واليوم وليت عيان كلشي يتغامز عليه طاح ليا ياناس الميزان لاتديروا ياناس الثقة فيه لبحر حدايا وانا عطشان لبحر ماشي ليا لبحر ديال مواليه الغلة تفرقات وانا جيعان لفقر يغني ليا وانا نشطح ليه واكل الغلة يجود علينا غير باللي شاط عليه والبوهالي بحالي على قد لحافو يمد رجليه اللي دارها بيديه يفكها بسنّيه وانوض يابنادم تحزم ويكون حزامك من حديد ناخذو خيرنا اللي ادّاوه غيرنا واخا هاذ الخير مايواتيه نوض يابنادم تْرَجّْل هذا راه عهد جديد عضّْ بسنانك نهش بنيابك وحقك ماتسامح فيه لاتبقى يابنادم عويناتك يشوفو وفمك محلول وخيرك ... شي قومان تتمَرْمْدْ فيه تتسنى فيهم يروفوا وانت عايش بينهم مذلول وخيرك ... داروا ليه طرقان وانت جالس تتحسر عليه بوكريشة يهز عليك فْنيوفو وانت ملجّْم مشلول يعوم فخيرك عومان وانت جالس تصفق ليه الواكل الغلّة ياكل خيرك ويتصدق عليك بجْلوفو وانت سيفك مغلول تنش فالذبان وتطلب الله يسمح ليه بقلم : ابو العز |
رد: الفقر يشطح ليا وانا نغني ليه إلى متى سنبقى نراقص الفقر ؟ إلى متى سنبقى على هذه الحال التي لاتسر أي حبيب ؟ متى نصل المبتغى وننال المراد الذي ليس إلا الخير لهذه البلاد والعباد . نتمنى أن نتمتع بحياة ليس فيها أمية , وليس فيها فساد , وليس فيها بغظ أو كراهية , السلام فقط وحده الكفيل بهذا , والسلام قريب جدا منا لكن البعض جعلوه مستحيلا , سامحهم الله . |
رد: الفقر يشطح ليا وانا نغني ليه -**********************- شكرا جزيلا لك..بارك الله فيك..شكرا جزيلا لك بارك الله فيك..شكرا جزيلا لك..بارك الله فيك -*********************- |
| الساعة الآن 22:40 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd