مُتْ قاعَدْ..جات الحملـــه...!!! http://a406.idata.over-blog.com/600x...ns-le-vent.jpg يا بنــادم زيّر لحزام جــــــــات الأزمه بيت المال قالوا مضرار ما بقى خدمه والتقاعد بـــعد الستين لازم تخــــــتار *** بـعد الستين زادو خمسه وقــالوا خيـــر يفيض على ناس بحالي ب حسن التدبير لكن من بعد ما رشات عظام وفنات اعمار *** مُتْ قاعَدْ..جات الحملـــه باش تــــــودّع هـــــذا زمان الَغْـــرايب احوالُه تخـــــلع دابا الايام تـــــوري ليك وتجيب اخـــبار *** هــــاذي محنه وَلاَ حيله ف هاذ الظروف ب لسان الحال قالوها..كل شي معروف زادوا قالــوا : هذا اللي به حكمات اقدار *** فــــنيت أيامي وشبابي هـزيت حــمال اللــــــي عليا انا درتــــو وارتاح البال ســـــعدي بها من امانــــه عطات ثمار *** بنيت الحيط طوبه طوبه..عليت ل فوق زرعت الخير حبه حبه صادق مصدوق واليوم انا نبكي حالي والعيش حــــرار *** مشات ايام وجــــات ايام..هبـّـات رياح وهــاج اليحر ب امواجُه..كبرات جراح نبات ونفيق على همومي هايم محـــتار *** فـــــين الاصحاب اللي كانوا أيام زمان مدى منهم رحلـوا غابوا قــــبل الأوان صــــــبح رفيقـــي عكازي وخلات الدار *** لا صديق يبالي ب احوالي لا قلب حنين لا عــــيش كريم يريحني من بعد سنين زمـــــان الحيره ف بلادي طبعهُ غدار *** ذبـــالت احوالي ب المره والقلب عليل ما شفت العز ولا تكريم يشفـــي لغليل واش بحــــالي يتبهـــدل ويذوق امرار *** قالوا لي رضى بالقسمه ..هذا مكتاب والمكتاب ماعليه هروب..ربي غلاب ف الماضي واللي آتي ما ليك خـــــيار *** كــــيف هاذ القسمه تكفي بعد الممات لولادي وتـــوافيهم ب سباب الحيات ؟ والآتـــي باين معروف..ربــــــي ستار *** قالوا لي دبـَّـر حـــــالك فـِقْ يا مضيـوم ما بين الكارطه والضامه تنسى الهموم ومـــدى قالوا بلا حشـــمه بلسان العار *** شــــلّى من يد نهبــات جيوب بلا تخمام ضـــاع الحق من مواليه..عثــرات اقدام واللي بحالي حقو مهضوم يشكي بضرار *** يا الغافــــل ما بـــين الناس غير تــمهل تـــبّث الاقدام..شــــوف القدام لا تتبهدل راه الــــعيش بعد الستين حـــامل اسرار *** الى كــــنت باغــي وظيـــف ياولد الناس ديربحسابـــو من الاول وحـــد البــــاس التقاعــــد راه مــــزيه لنـــــاس كبـــــار *** لابـــدا يـــوم تهنا الاحوال والنور يبان ويـــرجع الحق لـمواليه ما طــال زمان ويفيض الخير على بلادي وحالها يزهار ****** |
رد: مُتْ قاعَدْ..جات الحملـــه...!!! نسجتم الزجلية بإحكام. احسنتم أحسن الله لكم. كل التحايا |
رد: مُتْ قاعَدْ..جات الحملـــه...!!! أغبطك يا مبدع على التفاؤل الذي الذي ختمت به عقد زجليتك الرائعة ... ومن الآثار النفسية التي ترسم معالمها على الذات المبدعة ، ولادة أجمل الصور الفنية التي " تؤرخ " لحقبة النكسة في عهد حكومة النكبة .. دامت لك نبضات الإبداع و الإلهام المسكون بحب الانسان و الوطن . |
رد: مُتْ قاعَدْ..جات الحملـــه...!!! امل ينضب بحروف زجلية رائعة سعيدة بالقراءة بين سطور تخالج كل ..عائلة الاستاذ انت حقا ابدعت دام ابداعك الراقي اخي الفاضل |
رد: مُتْ قاعَدْ..جات الحملـــه...!!! زجلية رائعة تعبّر عما يخالج الجميع من حقيقة الواقع المريرة بارك الله فيكم و جزاكم خيرا |
الساعة الآن 12:34 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd