زراعة البلكونات ,,, افكار واقتراحات

السلام عليكم ورحمة الله
البلكون صعير او كبير هو جزء مهم جدا لزراعة الزينة والانتاج البيتي فلازم نستغلوه فهاد شي باش يكون واجهة راقية لبيتنا كيعكس نفسيتنا واسلوب عيشنا بدل مانستعملوه فالنشير وتخمال الاشياء المهملة ولكن بطريقة مدروسة بحيث نحاول نعرف شنو انواع النباتات لي تجي فيه وشنو اشكال المحابق لي تصلح وكيفاش نوضف مل نبتة للحصول على المنظر المريح
لي كتغرس فالبالكون ديالها شنو كتدير وشنو كيصدق لك شاركنا بتجربتك فزراعة البالكونات..؟؟
هدي بعض افكاري مدعومة بصور من الانترنت
باش نزرع البالكون بشكل ناجح نستغل الاجزاء التالية



الزراعة العمودية
استغلال الجزء الخارجي للبلكون
استعمال العلب والاواني الصغيرة للزراعة للتعليق
استغلال الحيط و الزوايا بشكل مناسب
اختيار المحبق المناسب
اضافة ديكورات

اولا . الزراعة العمودية كتمنحني المزيد من المساحات للزراعة خصوصا الى كان البلكون صغير

عمل صندوق خشبي عمودي

عمل ثقوب فالقوادس واستعمالهم بشكل افقي او عمودي

ثانيا استغلال الجزء الخارجي للبالكون بحيث نستعمل النباتات الي كتدلى على برا بحال جرانيوم ليير وسيدوم"دفر القط"

[IMG]http://i48.****pic.com/n71vgw.jpg[/IMG]
ثالثا نستغل كل ما جا فيدي نقدر نحولو لمحبق
وندير فالحيط مسامر او شبكة بالقصيبات وندير نباتات متسلقة grimpant بحال اليسمين والفيلو
كما نستغل الكورنيرات حتى هما