نكت مغربية حارة باللهجة المغربية الدارجة نكت مغربية حارة باللهجة المغربية الدارجة واحد تالف سول واحد خينا : خويا عافاك أشنو أسرع طريق توصلني لصبيطار؟ قال ليه : غمض عينيك وقطع الشانطي ******************** ********** هادا واحد جات عندو نســـيـبتو. قال ليها: شحال غتبقاي معانا؟ قالت ليه: حتى تملو مني قال ليها: وبقاي غير حتى تشربي أتاي بعدا ********************* *********** هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال جات واحد المرا شارفة عفطات عليه قال ليها: سمحي ليا أ الوالدة، راكي عافطة على ربعين ألف ريال تحنات المرا مادة إيديها وقالت ليه: ديال أوليدي ********************** ************ سولوا واحد المبوق: أشنو الفرق بين الشتا والصيف؟ قال ليهم: نقطة قالوا ليه: كيفاش؟ قال ليهم: الصيف عرق، والشتا غرق ********************* *********** واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟ المرا كاعية، قالت ليه: السم قال ليها: مزيان، إيوا غير تعشاي ونعسي راني غادي نتعطل اليوم ف الخدمة ****************** ******** واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم قالو ليه: باش عرفتيه قديم؟ قال ليهم: التفاحة اللي فيه معضوضة ************************ ********* واحد الولد سول باه: بابا أشنا هو الموديم؟ قال ليه باه: ما عرفتش أولدي. قال ليه الولد: أشنا هي الانترنت؟ قال ليه باه: ما عرفتش أولدي. قال ليه الولد: أشنا هي العولمة؟ قال ليه باه: ما عرفتش أولدي. قالت ليه أمه: خلي عليك باك بركة من التبرزيط قال ليها راجلها: لا، خلي الولد يستافد ***************************** *************** واحد السبيطار ديال الحماق خرجوهم للشانطي باش يشوفوا شكون اللي دار عقلو. قالوا ليهوم: اللي تلقى لشي طوموبيل نعطيوه طريف ديال ماروخا. كلشي كيتلقى للطوموبيلات وكيتشتت، إلا واحد بقى كيرواغ على الطوموبيلات، وهوما يقولوا هادا مول العقل. سولوه: علاش كتراوغ؟ قال ليهوم: كنتسنى شي رموك باش ندي باكيا كاملة ديال ماروخا **************************** ************ واحد البنت واقفة بطموبيلتها فالفوروج. شعل الاخضر ما مشاتش. شعل الاصفر ما مشاتش. شعل الاحمر ما مشاتش. وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا**************************** ************ واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات ******************************* ******************** واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟ *************************** ********** واحد الاستاذ ديال الفيزيك سول واحد التلميذ مكلخ: ماهي الوحدة ؟ قال ليه المكلخ: هي الطناش القديمة ***************************** ********** |
رد: نكت مغربية حارة باللهجة المغربية الدارجة هههههههههههههه فوّجتي علينا بهذه النكت المضحكة حفظك الله و رعاك أخي الفاضل |
رد: نكت مغربية حارة باللهجة المغربية الدارجة واعرة ديك : سمحي لي اختي راه غير هاذ اللوينات اللي عندنا ... شكرا جزيلا . |
رد: نكت مغربية حارة باللهجة المغربية الدارجة اقتباس:
*************************** الله يفوج عليك دنيا و آخرة آميـــــــن ******************* |
رد: نكت مغربية حارة باللهجة المغربية الدارجة اقتباس:
*************************** لا شكر على واجب بالصحة و الراحة ****************** |
الساعة الآن 00:11 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd