منتديات الأستاذ التعليمية التربوية المغربية : فريق واحد لتعليم رائد

بزطام علال

https://scontent-b-fra.xx.fbcdn.net/...06433142_n.jpg

دخل علال للبيت عيَّان باش يتسنط لعظامو !!
دخلات مراتو طامو !!

خلاتو حتى نعس وغرق فأحلامو !!
وبقات تقلب ليه فبزطامو !!

ناض شافها ڭال ليها اش كاديري يا هاد المرا !!
راه البزطام خاوي فيه غا فلوس الكرا !!
واش بغيتي تهزيهم و نخرجو برَّ !!
ونبداو عاوتاني فالجرا !!

ڭالت ليه وا علال يهديك الله كاتشك فيا شحال من خطرة !!
كاتنسا الزواج وتنسى العشرة !!
انا راني مرتك واش غادي نبغيلك المضرَّة !!
راه غي حليت البزطام باش نهز درهم ولا ربعين !!
حيت بغيت نسيفط بنتك نسرين !!
للحانوت تجيب الدقيق والطحين !!

راك صايم وبغيت ندير ليك شي مسمن يكون بنين !!
ولكن نتا دغيا درتي العيب وخرجتي دوك العينين !!
ومابقيتيتش تيق فيا من بعد گاع هاد السينين !!

إيوا دابا نوض شوف اش دير للفطور الله يرحم الوالدين !!
هو حس بالغلطة وحماضت القضية !!

وقال ليها آمرتي طامو سمحي ليا !!
راه انا لي شرفت ومابقيتش ندير النية !!
ولكن راكي مرتي وراني نبغيك غير نتيا !!
وراه ربي عارف هاد شي وشاهد عليا !!

ايوا دابا نوضي هزي لي بغيتي وسيفطي الدرية !!
تجيب ليك لي خاص باش ديري شي شهيوة هاديك هيا !!
راني عارفك تبغيني و واخا يوقع لي وقع ماتفرطيش فيا !!

( كلمات بولحية مول القافية )