شوف فيا -زجل- ماتهربش من السؤال ماتهربش مني ليا ماتدورش وجهك عليا ************ واش حشمتي؟ ولا خفتي من الصدمة عليا؟ حبي الكبير ولا يحشم و مايعرفش يتكلم ولا ينسى ويتلعتم ************** حبي لكبير نسى الأشعار و دموع الليل وبكا النهار و اللي قلبو مكوي بالنار حبي لكبير مابقاش يغار مابقى يسهر مابقى يحتار ************** بالله عليك ياهذاك واش من حجر خلقك مولاك باراكا من لكذوب يكفي عافاك ***************** شوف فيا وحط عينيك فعينيا وخذها مني وصية هاديك اللي تبغي واللي بسبابها بعتي راها بحالي وأنا هي ورد بالك تنسى لوصية وأيام العمر تمشي خطية والقلب المغرور يروح ضحية ************ ودابا ياروحي دور وسير بشويه و بلا ما تشوف فيا وماكاين لا ش تحط عينيك فعينيا كلشي واضح ليك وليا سير فالطريق اللي تختار عنداك دوخ عنداك تحتار وغدا تجي تطرق الدار الحرية2 يناير2010 تقبلوها |
رد: شوف فيا -زجل- مرحبا بشاعرتنا بخنساء المنتدى تحية من ام النجوم لام الزهرات |
رد: شوف فيا -زجل- بعد زجليات الاخ نجيب التي ارغمتنا على التفاعل....على القراءة من كل الزوايا....الظاهر اننا سنحب الزجل ..كما نحب الفصيح...كيف لا وبمثل هذا النص .....شوف فيا....جرجرنا الى عتاب الذات....ايقض فينا ذكريات ....احسسنا ان المخاطب لا سند له...لم ينبس ببنت شفة...يتلعثم....باد على محياه التشضي.....يا الحرية ...ما دمت قادرة على امتاعنا هكذا ...لا تبخلي عنا بالجديد الاجود....فها نحن هنا قاعدون ....مستمتعون بالقراءة....ولا نخاف لولمة لائم في ابداء تشجيعنا.....مودتي.. |
رد: شوف فيا -زجل- بل الله عليك بركة ما تخلعي فيه راكي صدمتيه و خرستيه و عيشتك ما تحلى الا بيه حروفك رائعة اختي الغالية في انتظاااااار الاجود منك على احر من الجمر |
رد: شوف فيا -زجل- اقتباس:
ام زينب نورت المكان وشكرا على الوفاء تقبلي اسمى عبارات الصداقة والود قبلة للحلوين |
الساعة الآن 20:16 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd