ها المقادير أختي
لتحضير الكيك:

اربع بيضات
سبع ملاعق كبار سنيدة
نصف كاس زيت
تسع ملاعق كبار فورص ممتاز
جوج ملاعق كبار كاكاو شوكولا مر
جوج خمارات حومر
واحد فاني
ملعقة صغيرة نسكافيه او اي قهوة سريعة الذوبان

نطيبو الكيك بطريقة عادية

لما يطيب نخويوه من المول

و نقطعو الجزء العلوي للكيكة يعني بحال الغطاء ديالها و نحتفضو بيه جانبا
من بعد نخويو الكيكة من الداخل و نخليوها بحال شي زليفة خاوية نحاولو ما نتقبوش الاسفل ديالها حيت غادي تعمر


الكريمة ديال التعمار:

نصف لتر حليب
واحد فلون عادي
واحد فلون شوكولا
سكر حسب الذوق
ست مربعات شوكولا
ملعقة صغيرة نسكافيه
و ملعقة كبيرة كاكاو


نصايبو لفلون ديالنا عادي و نضيفو ليه مربعات الشوكولا يدوبو فيه و نضيفو ليه الكاكاو

ثم نطحنو هاد الخليط بعد ما يطيب لفلون مع ما افرغناه من بطن الكيك

فهمتوني ياك سمعتوني

نطحنو كلشي و نعمرو كرش الكيك الفارغة بهذا الخليط الرائع و اللذيذ
و نرجعو الغطاء للكيكة

اوكي

نمر للتزييين

غادي نعطيكم واحد لاكاناش واعرة ديال المحلات لكبار

كاس حليب

عشر مربعات شوكولا


نديروهم فوق النار مع التحريك حتى يدوب الشوكولا


من بعد ناخدو ملعقة كريم باتسيار مع ملعقتين سكر و ملعقة كاكاو و م شوية نسكافيه و قليل من الحليب البارد نطلقو بيه بودرة الكريم باتسيار و نضيفوهم للحليب و الشوكولا اللي فوق النار و نستمر بالتحريك حتى يتقال الخليط
بعدهل نخويوه على وجه الكيك

بالصحة و الراحة