عجينة بيتزا ديالي وااااعرة زيدوا زيدوا جبت ليكم عجينة البيتزا الخاصة بي انا و ختي الصغيرة ما تلقاوها حتى فبلاصة من غير هنا جديدة و لذيدة و مختلفة فطريقة تحضيرها و نتيجتها هائلة غادي تجربوها و تشوفو النتيجة العجين: جوج زليفات فورص ممتاز ملح شوية سنيدة شوية زيت بلدية شي جوج معالق كبار خميرة معجونة ملعقة صغيرة خل تعجن بحال المخمر يعني عجين شوي خفيف و نغطيوها تخمر لما تطلع نديروها كرات صغار هاد المقدار تايعطينا اربعة عشر وحدة لما نكوروهم نطلقوهم بالدلاك رقاق و نرشو الفورص باش ما يلصقو معانا و نطلعوهم فوق منديل و نغطوهم يخمرو شوية من بعد تاناخدو المقلة التقيلة نديروها تسخن و نبداو ناخد خبيزة بخبيزة قبل ما نهزوها من فوق المنديل نتقبوها مزيان بالفرشيط اوكي و نطرحوها و دغية نقلبوها ما نخليوهاش تحمار نهزوها بيضة و لكن شادة راسها فهمتوني ياك عرفتوني هههههه اوكي و هدي صورتها كتجي هكدا https://fbcdn-sphotos-h-a.akamaihd.n...33924746a9667a بالنسبة للحشوة عمري باش ما بغيتي انا كنصايب صوص بيشاميل و كندهن بيها البيتزات كاملين عاد كنبدا نعمر بصوص طوماط و بصل شرائح رقاق محمرين و جزر خيوط محمر و كورجيط تاهو خيوط محمر باش الاطفال ياكلو الخضر من بعد كفتة او طون او فواكه بحر او كاشير او بلاش ثم الفرماج ثم زعتر من فوق و نستفهم فطبسيل و ندخلهم لفران سخون يكملو الطياب ديالهم و بالصحة و الراحة و كتجي هكدا https://fbcdn-sphotos-h-a.akamaihd.n...24aa10124ac909 |
رد: عجينة بيتزا ديالي وااااعرة زيدوا زيدوا نزيدكم حاجة اخرى تاهي زوينة نفس العجينة بنفس الخطوات تصلاح للخبز العربي يلا بغيتي تعمريه بشوارما منزلية و لكن ما تقبيش الخبيزات خليهم باش يتنفخو و يجيو هايلين بصحتكم نتمنى نكون افدتكم |
رد: عجينة بيتزا ديالي وااااعرة زيدوا زيدوا ************************ http://img40.imageshack.us/img40/6372/2n6.gif شكرا جزيلا لك أختي الكريمة، المحترمة: ♥الحرية♥=♥مريم الوادي♥ كل 08 مارس و أنت و كل نساء المغرب و نساء العالم الإسلامي بألف ألف ألف خير و صحة و عافية و بكل ما تتمنونه من الله عز و جل http://www.bascota.com/vb/imgcache/5209.imgcache.jpg |
رد: عجينة بيتزا ديالي وااااعرة زيدوا زيدوا |
رد: عجينة بيتزا ديالي وااااعرة زيدوا زيدوا تبارك الله على مريم الحادكة |
الساعة الآن 08:36 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd