مذكرات Houmidi59 : حوميدي البرهوش الصغير - الصفحة 2 - منتديات الأستاذ التعليمية التربوية المغربية : فريق واحد لتعليم رائد

2014-02-15, 19:34

رقم المشاركة : 6

houmidi59

بروفســــــــور

إحصائية العضو

houmidi59 غير متواجد حالياً

رد: مذكرات Houmidi59 : حوميدي البرهوش الصغير

اقتباس:

المشاركة الأصلية كتبت بواسطة الشريف السلاوي

تسعدني متابعة مذكراتك الرائعة و الممتعة
تابع و الله الموفق لكل خير

بارك الله فيك أخي الشريف ولكن أعذرني إن لم أذكرك ضمن الإخوان والأخوات الذين تابعوا بشغف مذكراتي
للأسف كان ظهورك فيها شبه باهت .لهاذا أرجو أن تزورني باستمرار وسيكون شرف عظيم لي شخصيا تواجدك بصفحتي ... وبدون مجاملة أخي لأقول لك أنك من الآن من الأصدقاء الذين أعزهم

التوقيع

2014-02-15, 20:40

رقم المشاركة : 7

a.khouya

مراقب عام

إحصائية العضو

a.khouya غير متواجد حالياً

رد: مذكرات Houmidi59 : حوميدي البرهوش الصغير

اخي الكريم الحوميدي

عودة ميمونة مع ملحمات حوميدية أخرى،ولعلمك ردك على أم علاء وعمر جعلني أشك في عودتك للقصص الحوميدية.

اما قصة الحميدي الطفل جميلة جدا ،ويظهر من خلال الصورة أنك كنت مشاغبا.

دوّن سيرتك فإنك بارع في السرد ولا تلتفت الى الخلف.

امتعتنا،بارك الله فيك.

تحيتي وأعتذر عن التأخير لأنني كنت تائها في مواضيع أخرى.

التوقيع

يبقى الصمت أفضل
حين يغيب الرد

2014-02-16, 12:28

رقم المشاركة : 8

houmidi59

بروفســــــــور

إحصائية العضو

houmidi59 غير متواجد حالياً

رد: مذكرات Houmidi59 : حوميدي البرهوش الصغير

اقتباس:

المشاركة الأصلية كتبت بواسطة a.khouya

أتْكايسْ على خوك حوميدي .راه بالعكس مين كنت صغير كنت beau gosse ماشي واحد النصراية كانت تبغيني
وزعما ما قريتيش باللي صبعي الصغير كان غادي يْضيعْ ويبقى خوك عندو غير 4 صبعان فاليد
ما كاين مشكل على التأخير ولكن خاصّك تركزْ باشْ تحكم على خوك حوميدي
تبارك الله عليك وعلى الوجود ديالك معيا
يومك مبارك سعيد

التوقيع

2014-02-16, 12:33

رقم المشاركة : 9

houmidi59

بروفســــــــور

إحصائية العضو

houmidi59 غير متواجد حالياً

رد: مذكرات Houmidi59 : حوميدي البرهوش الصغير

الحلقة رقم 2 :حوميدي داكْ البرهوش الصغير

الجزء الأول : حوميدي عند الأخوات الراهبات

فلوقيتة ديال حوميدي كانو لوْلاد الصغار كيمشيوْ لْمْسيد باشْ يتعلمو ويقْراوْ القرآن.الواليد حيت كان باغيني نكون دكتور دخلني عند الأخوات الراهبات باش نتعلم لقرايا باللغة الفرنسية.
نْسيت ما قلتشْ ليكوم أن أخي جمال (الله يرحمو ) ادْزادْ مورايا بعام و3 شْهورا.هي هاديك بْجوج بينا خْدانا الواليد للكنيسة باشْ يسجّلنا .استقبلتنا واحد النصرانية شارفة.الواليد شْحال أُهو يشرح ليها الظروف ديالو .من بعد ، هاد المديرة تْفاهْماتْ مع الواليد باشْ يْخلَّصْ 45 درهم فالشهر علينا بْجوج بدل 50 درهم.كي ما لاحظتو النصرانية ربْحاتْ الواليد 5 ديال الدراهم .هاديك لَمْية دورو (ريال) راها كانت عندها قيمة كبيرة .تصورو انّ بيها تقدر تشري 25 كيلو بطاطا أو 10 ديال العلب ديال السردين .يمكن ليك تشري بيها 10 ديال الكوميرات ونصْ ديال الخبز؛ مع العلم أن الخبز ديك لوقيتة كنّا نْسمّيوه البولانْجي وكانت توْزن 900 غرام.أما الموز يمكن كان هو أغلى فاكهة على الإطلاق ، ما كان ياكلو غير البورجوازي .تصورو أن الثمن ديالو كان 45 ريال للكيلو ؛ أما الجورنال ما كانشْ يتعدّى 25 سنتيم.
المهم بقيت أنا والأخ ديالي كنقراوْ عند الأخوات مدة جوج ديال السنوات .كنّا نمشيو فالصباح مع التْمنية .كانت الواليدة هي اللي تْوصّلنا.مع لحِْداشْ و30 دقيقة كانْ العمْ مولود هو اللي يْجي باشْ يْرجّعْنا للدار.
لعشية كان الدخول مع الجوج ونْساليوْ مع الخمسة.
أخي جمال ما كانشْ معايا فنفْسْ القسم .حيت هو كانت عندو يا الله اربع سْنينْ.بالنسبة للدراسة باقي عاقل كانو بزاف ديال الأنشطة :بالنسبة للقراءة ، كنّا نقراوْ بالبطاقات والمكعبات ونكتبو فْدفاتر شْحالْ فيهوم رسومات وتْصاورْ. زيدو عْليها الأناشيد والمسرحيات والرسم والتلوين .
مع ديك العشرة كيخرجونا للساحة باشْ نستْراحو وكانو يعطيوْ لكل تلميذ كاسْ حليبْ مع ميلْفايا (millefeuilles)
مع لعشية ، كانو يْسدّو السْراجم ديال القسم ويقولو لينا : نَعْسو ! زعما لاسْييسْتْ (القيلولة) .المشكل ممنوع الهضرة ، ولكن واخّا هكّدا كنّا مْحمْقينْهومْ.غير بيناتْنا نبْقاوْ عاطْيينْها لتْكركيرْ .العجيب فالأمر ما عمْرو ما تْقلْقو منّا.
مع ديك الثْلاثة والنّصْ ، نفيقو زعما من النعاس واخّا حْنا ما ناعْسينْ والو .كيْخرجونا للساحة ويعطيونّا كاس حليب مع حلوى ومن بعد نْرجعو للقسم باشْ نلعبو بالمكعبات والأشكال الهندسية .
الصراحة على حسب ما قال لي الواليد كنت نتكلم الفرنسية بطلاقة.
واحد الحاجة مهمة اكتاشفتها فهاد الروض وهو ان هاد النّاس كانو حريصينْ على حضور الأباء أو أولياء الأمور .مثلا شي أب ما جاشْ ياخودْ ولدو ، اوى هاد الولد يبقى فالمدرسة .
ولكن كانت مزيانة للولد حيت كانو يعطيوَهْ يتغدّى ويمكن هداكْ لغدى ما عمرو ما كْلاهْ في حياتو.
انا شخصيا والأخ ديالي شْحالْ كلينا معاهوم.ديك لوقيتة ما كنّا نعرفو لا حْلالْ لا حْرامْ.خوكم الحوميدي كانت تعجبو الماكلة ديال
النصارى .في نظرْكومْ شكون السبب اللي جعلنا نستافْدو من هاد الخير ؟ عمّي مولود ! هادْ العم المتمرد والمشاكس كان شْحالْ من مرة ما يْجيشْ ياخودنا للدّار حيتْ كان يتلاقى مع صْحابو .ولكن كان يْجي مع الخمسة.هي هاديك يشري لينا المسكة والكاطو ويقول لينا : شوفو الى سوْلاتْكومْ ماماكوم عْلاشْ ما جيتوشْ مع لوقيتة ديال لغدا ، قولو ليها راهوم شدّونا فالمدرسة.انا غادي نتْهلّى فيكوم مزيان.
العم مسكين ما كانْشْ عارف باللي أنا وخويا جمال كانت عجْبانا الماكلة ديال المدرسة

الجزء الثاني : تصرفات غريبة عند الأخوات الراهبات

هاد الأخوات كانو الصراحة غريبات فالتصرفات ديالهوم وكانو يْحاوْلو باشْ يْردّونا نْصارى.انا الصراحة ما كنتشْ نفهم والو .بْحالي بْحال الدراري الصغار كنت نْديرْ داكْ الشّي اللي يْآمْرونا بيه.باقي عاقل كنا نخرجو لْواحد الجهة من الساحة كان فيها صنم كبير هو إمرأة فْيدْها ولد صغير وحْداها صنم آخورْ ديال واحد الراجلْ شعرو طويل ومربوط بواحد جوج خشْباتْ (من بعد عرفت باللي كان مصْلوب)
كنّا نْوقفو حْداه وكنْدوزو يدينا على الجبهة ديالنا ومن بعد على الصدر ثمّ على لكتف ديال ليمَنْ (اليمين) وعادْ لكْتفْ ديال ليسَرْ(اليسار).زعما كنا نرسمو علامة الصليب
ولكن شكون اللي كان عارف باللي راحنا كنّا كنْديرو الطقوس ديال المسيحيين.هاد الشي ما عرفتو وفهمتو حتى كبرت وكنت نقرى فالقسم الثالث.
هاد النصرانيات دابا كنتخايلْهوم كانو لابسين لبيض مع لكحلْ ، كانو يْشبْهو لْتيفْليلَّسْتْ او ما يعرف باللغة العربية بطائر السنونو وبالفرنسية (l'hirondelle)

ولكن الحفلة ديال نهاية الدورة كانت رائعة .كانو يلبسونا الكسوة ويعطيوْنا الكادوياتْ.باقي عاقل كانو أعْطاوني قْنيَة (أرنب)مصاوْبةْ بلْكبْصْ .كنت محتافظ بيها سنوات حتى تقريبا مين وْصلت للمستوى الخامس ابتدائي.
كانو كيسْتدْعيوْ الآباء باشْ يْشوفو اوْلادهوم يْغنّيو ويرقصو .المهم كان داك الشّي رائع بمعنى الكلمة.

الى اللقاء يوم الإثنين مع الحلقة الثالثة : حوميدي والدخول المدرسي (التعليم العمومي)

التوقيع

2014-02-16, 13:15

رقم المشاركة : 10

ام ادريس

مراقبة عامة

إحصائية العضو

ام ادريس غير متواجد حالياً

رد: مذكرات Houmidi59 : حوميدي البرهوش الصغير

ماشاء الله على حوميدي البوكوص

قريتِ عند الماسورات (الراهبات)

هاكذا كنا ناديوهوم فسلا

هذا سر إتقانك للغة الفرنسية

تبارك الله عليك

التوقيع

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم


	للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :