عندما يسخر الإنسان من أخيه الإنسان بالنكتة - منتديات الأستاذ التعليمية التربوية المغربية : فريق واحد لتعليم رائد

2014-02-01, 08:49

رقم المشاركة : 1

houmidi59

بروفســــــــور

إحصائية العضو

houmidi59 غير متواجد حالياً

عندما يسخر الإنسان من أخيه الإنسان بالنكتة

سبحان الله العظيم ! الانسان شْحالْ غريب في طبعو.تلقاه دائما كيضحك على خوه ، زعما هو ناسي باللّي راه عندهوم أصل واحد ونفس الأب والأم....ولكن أجي دخّلْها لو لْراسو!
هادا مشكل عالمي كيْهمْ كل الشعوب فالعالم.تمشي مثلا لفرنسا تلقى لفْرانْساوي شادْ فْقَشّابتْ البلجيكي وكيْبانْ ليه مْكلّخْ ؛ تلقى انجليزي الضّحْكى ديالو غير مع جارو اسْكوتْلاندي حيت هاد خونا بالله قرْزازْ (سْقرامْ) ....
هادو جوجْ أمثلة : 1) الفرنسيون كيقولو الى دْخلتي لْشي محالْ كيْبيع الصْبابطْ ولْقيتي شي كْليانْ باغي يْشري صبّاطْ ، باشْ غادي تعّرْفو باللي هو بلجيكي ؟ اوى ساهلة حيتْ هو الوحيد اللي يْدير رجليه فالقابسة (العلبة) باشْ يْشوفْ واشْ الصبّاطْ مْواتيهْ
2) هاد اسْكوتلاندي كْرى غرفة فْلوطيلْ.شي وْقيتة نْزلْ عند لمْكلّف بالاستقبال فالفندق وطْلبْ منّو كاسْ مَا.المهم خونا بالله خْدى الكاسْ ورْجع للغرفة ديالو .يا الله جوج دقايق رْجعْ وطْلبْ كاسْ آخور ديالْ الما.رْجع عاود تاني للغرفة ديالو .جوج مينوتْ دازتْ ، خونا بالله طْلبْ كاس ديال الما.مول الاستقبالات تْعجّبْ وقال لسْكوتْلانْدي : خويا يْبانْ ليا باللي شْحالْ هادي ما شْربتي الْما !!!!!!
اسْكوتْلانْدي ردْ عليه : هادْ الْما ماشي ليا....العافية نايْضا فالبيت وخوكْ راهْ يطْفيها!!!!!

امّا الى مْشيتي عند لعْربْ ديالنا هادي سخرية من نوع آخور.أولا كتلقى العربي يضحك على ولد بْلادو، ماشي بْحالْ النْصارى اللي كيضحكو على شعوب أخرى وْ راني أعْطيتْ ليكومْ أمثلة على الفرنسي والانجليزي.ثانيا العربي كيْشدْ فْخوه مزيانْ ويْبهدلو مزيان لدرجة أنه يجعل منّو شوهة واشْ من شوهة
فبْلادنا تلقى لْوجادة شادّينْ فلبْراكنة ، تمشي لتاوريرت تلقاهوم شادّينْ فالتْوازى ؛ أما اللي واكلين الدّقْ بالمعقول والنكت عليهوم بالعرّامْ هوما السواسة والشلوح
ما غاديش نعطيكوم حتى مثال حيت لمغاربة كولهوم عْزازْ علي ...
لعفو يا مولانا لعْفو

مصر بلد العروبة والاسلام بْحالو بْحالْ المغرب ، اكتشفت باللي حتى هوما عندهوم شي قوم ديالهوم هوما مصدر النكت كايْسمّيوْهومْ الصّعايْدة ، زعما الواحد فيهوم صعيدي.
الغريب فالأمر حْنا كنّا نتفرجو فالمسلسلات المصرية ديال السبعينات والثمانينات باللي الصعيدي عندو الكلمة وعندو مبادئ ومعروف بالشجاعة والكرم .واشْ زعما الصعيدي تْغيّرْ حتى ولّاوْ اخّوتنا المصريين كيْديرو عْليهْ نكتْ ؟
هادو نكت كنت لْقيتهوم متداولة بكثرة وْغي مجرّد امثلة فقط

قالك هادا صعيدي ضَهْصاتو طوموبيل ، يا الله الروح ديالو طالعة لسْما تجْبدْ معاها طيّارة
اسمع هادي : صعيدي كان باغي يْعومْ فلبحر ولكن حيتْ كان فصل الشتاء يعني البرد ، اوى لْبَسْ مايو ديال الصوف
هدا صعيدي كان يتمشى مع شي بنت يا الله فاشْ تْعارفْ معاها .شي وْقيتة ، خوتنا بالله شافت أبّاها جايْ لْجيهتهومْ أو هي تقول لصّعيدي : سيرْ دغْيا فْحالكْ هاهو أبّا جاي لْجيهتْنا.
تصورو آشْ رد الصعيدي : مالكي مخلوعة ؟ كولي لو أنا خوكْ !
هادا صعيدي دوّزْ الامتحان غير بوحْديتو .اوى ، النتيجة ؟ قالك تَكْلاسى التاني

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=714526

التوقيع

2014-02-01, 10:41

رقم المشاركة : 2

الشريف السلاوي

مدير الإشراف

إحصائية العضو

الشريف السلاوي غير متواجد حالياً

رد: عندما يسخر الإنسان من أخيه الإنسان بالنكتة

هههههههههههههههه
أضحك الله سنّك

التوقيع

" اللّهمّ ردّنا إليك ردّا جميلا "

2014-02-01, 10:58

رقم المشاركة : 3

abouimane

بروفســــــــور

إحصائية العضو

abouimane غير متواجد حالياً

رد: عندما يسخر الإنسان من أخيه الإنسان بالنكتة

شكرا لك على المشاركة الطريفة
سلاميــ

التوقيع

.................................................. ........................................

كن ابن من شئت و اكتسب أدبا \/\/ يغنيك محموده عن النسب

.................................................. ........................................

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم


	للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :