مرحبا بالسي عبد العزيز


اش تشرب استاذ اختار من هاد الثلاثة:
هاك ها لموني:

بابوش
حريرة
رايبي جميلة

نختار حريرة

مممم بلدي معا راسك

بالصحة و الراحة

اولا فقرة شكون نتا ؟؟

السي اومية:
عرف نفسك في خمس كلمات
عبد العزيز أومية أستاذ ابتدائي (5 كلمات)
اه يا ربي السلامة حاسبهم
حدد موقعك الجغرافي، و مسقط رأسك و حالتك العائلية
جي بي إس أنا فتافراوت إقليم تيزنيت ومسقط رأسي بين ذراعي القابلة هههه بزاوية الشيخ إقليم بني ملال والحالة العائلية متزوج وأب لثلاثة أطفال (هبة 12 سنة - هدى 9 سنوات وسي محمد 5 سنوات)
علاش نتا هنا؟؟
فين هنا؟؟ فالمنتدى حيث المنتدى ابني البكر،راك عارفة من أيام الهجرة الحماعية واستقرينا هنا فالأستاذ هههه
و مديييير
راه كنت مشرف وبعدها مراقب عام وبعدها مدير التواصل والآن المدير العام (الترقية الداخلية)

زعمة ؟؟ ما كينش الخشونة؟؟

كيدرتي ليها
(الكود بيستون هههه )لكل مجتهد نصيب أكيد والأكثر من ذلك سعيد بخدمة أعضاء وزوار الأستاذ
ثانيا فقرة جوج و نتا الثالث:
يلا ناضت شي مضاربة بين جوج و نتا بيناتهم اش دير:

تفاكهم

تعيط جبد

و لا تكون و تسكت

ننفاكهم وماشي بعيد ندافع على المظلوم واللي لها لها (كانكره الحكرة)


يلا تلاقيتي جوج سارقين بزطام اش دير

تكوليهم قسامة
دير راسك ما شفتي والو
ما تعيطش للجادرمية

أنا ماكانتعاتقش وغادي نطلبهم بالتي هي أحسن باش إردو لبزطام مابغاوش غادي نتوكل على الله وندير إدي هههه


يرضي عليك

يلا كنت مقهوي مع جوج خوت يعني صحاب
واحد خرج و الثاني بدا يقطع فيه يعني شد فيه النميمة واش:

تقرقب معاه الناب و الله يسمح لينا
نقول ليه الله يهدينا
تخلص قهوتك و تخوي

نكوليه الله يهدينا


ايوة الله يهديك


الفقرة الثالثة كيفي كيف الناس


يلا ناضت النوضة اش دير:

نخشي راسي بين الروس و تعيط اقطاع الروس
تكون و تضرب الطم
تحيح و تهز الراية

نخشي راسي بين الروس و نعيط يا قطاع الروس


خواااف اخويا ما كنتش عارفة تعجبونا فالسنطيحة


سي عبد العزيز:

عندك الدار و الطوموبيل
عندك غا الطوموبيل
عندك غا الدار
ما عندك تاوحدة

الدار و الطوموبيل و الحمد لله


خمسة و خميس


سي عبد العزيز
كيفاش كتربي اوليداتك؟؟

عزاز علي بزاف ههه وماكانحرمهمش من أي شيء،ولكن اللي حصل يودي هههه

الله يحفظهم و يصلحهم

شنو هو اكبر عيب فيك؟؟

بوكرش وسخي بزاف كثر من القياس هههه على ماكالو ههه

عمرك كدبتي؟؟

كدبت ماشي غير مرة ههه ولكن زمان ماشي دابا الله يكبرنا على طاعتو...

مكحلها يا الزغبي


حيت الحياة فرصة وحدة شنو اللي فاتك فيها؟؟
لم أتمم دراستي الجامعية..
دابا يكملوها وليداتك ان شاء الله

الربيع العربي كيداير لونو؟؟
كحل زحل غير كايبدى ربيع ويتقلب لصيف وجفاف ومشاكل الله يستر...


تانا دكشي اللي بان لي

حريرتك بردات

و ساعتك سالات

ههههه
على من تعيط فبرنامج العيطة عليك
أبو عبد الفتاح العدو اللذوذ


يلا لقيناه حيت هارب مديكلاريين بيه شي عيالات حصلوه عندهم فالدار



شكرا و نشوفوك وزير

الله ينجيني ماقاد على الصداع ديال قطاع كلو رقعات ومشاكل ههه