منتديات الأستاذ التعليمية التربوية المغربية : فريق واحد لتعليم رائد

منتديات الأستاذ التعليمية التربوية المغربية : فريق واحد لتعليم رائد (https://www.profvb.com/vb/)
-   المطبخ (https://www.profvb.com/vb/f147.html)
-   -   طورطيا بالخضر من مطبخ الحرية (https://www.profvb.com/vb/t135958.html)

مريم الوادي 2014-01-17 22:16

طورطيا بالخضر من مطبخ الحرية
 
بسم الله
نقطعو بطاطا مربعات و نديروها تقلى فزيت جديد طبعا باش لوليدات ما يمرضوش
ما نخليوهاش تحمر بزاااف
بطاطا كتقلى
فنفس الوقت ناخد مقلاة طيفال ما كتلصقش
ندير فيها زويتة بلدية
تسخن
ناخد واحد بصلة متوسطة نقطعها رقيق انا كتعجبني دوائر رقاق
و نديرها فالمقلاة ملح ابزار و نقلبها حتى تنزل
بعدها ناخد جزرة مغسولة و محكوكة بقشرتها على شكل خيوط
نضيفها للبصل و نقلب و نزيد شوية زيت بلدية
بعدها نحك واحد كورجيط خيوط تاهي
و نضيفها عليهم و نزيد ملح و ابزار
بطاطا طابت
نهزها من الزيت نيشان لفوق الخضر
و نطفي البوطة ديالي
نزيد معدنوس رقيق
نزيد شوية فلفل احمر تحميرة يعني
و زيتون مقطع
و نخلط الكل بطاطا و الخضر و لمستي الاخيرة
نشعل على المقلاة
و نضرب اربع بيضات مع جوج معالق حليب دافئ
و ملح و ابزار
لما تسخن المقلاة و نسمع صوت الزيت
نصب فوقها البيض نغطي و نقص البوطة
نقلبها و نعاود نغطي و نقص
بالصحة و الراحة
اودي شغادي نكول ليكم
كتجي هايلة
:d:d:d

**ام محمد** 2014-01-18 09:33

رد: طورطيا بالخضر من مطبخ الحرية
 
تبارك الله عليك وصفة صحية
بما انها تحتوي على خضر

أم علاء وعمر 2014-01-18 10:43

رد: طورطيا بالخضر من مطبخ الحرية
 
أعيدي التجربة

و صوريها

و طرحي الصورة

فهمتي المراحل

شكرا


ام زين 2014-01-18 11:59

رد: طورطيا بالخضر من مطبخ الحرية
 
اختي الحرية انا نعملها بحال كريب
والله جميلة
جدا
الله يعطيك الصحة


الساعة الآن 18:59

جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها

Powered by vBulletin® Copyright ©2000 - 2024, Jelsoft Enterprises Ltd