طورطة سبونج بوب
 

http://www.sayidaty.ma/wp-content/up...01-300x225.jpg

السلام عليكم اخواتي
اليوم ان شاء الله غانشوفو طريقة اعداد طورطة سبونج بوب اللي هي شخصية كرتونية محببة لدى الاطفال واللي غلفناها بعجينة السكر
اولا غانحتاجو جينواز كبيرة طايبة فالاطة طولها 40 ستم والعرض 30 ستم وعالية شوية فالجوانب ب 5 ستم
المقادير
8 بيضات +240 غ سنيدة +240 غ دقيق +2 خمارات +2 فاني + قشور حامضة محكوكين
كنطربوا ابيض البيض حتى يبدا يطلع ونبقاو نزيدو السكر بشوية حتى يولي بحال الكريما ثم نزيدو الفاني وقشور الحامض واصفر البيض نخلطو غير شوية ونحبسو ا
نغربلوا الدقيق والخميرة ونزيدوه على الخليط مع الخلط غير بشوية حتى ينساجم
نخويوه فالاطة مفرشة بورق سلفيريزي وندخلوها طيب
http://www.sayidaty.ma/wp-content/up...01-300x225.jpg
ملي طيب نحيدو ليها الجناب بالموس ونقسموها من الوسط على 2
http://www.sayidaty.ma/wp-content/up...01-300x225.jpg
كنسقيو الجزء الاول بمشروب هاواي ونديرو طبقة من الشانتيي ونغطيو بالجينواز نسقيوها وندهنوها بطبقة رقيقة جدا من الشانتيي مانكتروش الكريما حيت غانغلفو الكيكة بعجينة السكر
http://www.sayidaty.ma/wp-content/up...01-300x225.jpg
لتحضير عجينة السكر نحتاجو 600 غ سكر كلاصي سبيسيال الخاص بالحلويات ماشي ديال العبار+1 ابيض البيض +2 معالق كبار كليكوز(كايتباع فسطيلات بحال العسل) او عسل ابيض مايكونش فيه اللون+ 3 اكياس فاني
كانخلطوا جميع المقادير حتى تجمع وندلكو وحنا كانزيدو السكر كلاصي حتى تجمع مزيان بحال الكرة وماتبقاش تلصق
ناخدو جزء نخليوه جانبا والجزء الاخر نزيدو عليه ملون اصفر والى كاتلصق نزيدو السكر كلاصي
الجزء الاول نقسموه على 4
2 كانديروهوم صغار كنلونو واحد بالازرق والاخر بالاحمر
و2 الكبار واحد بالبني والاخر كايبقا ابيض
كنجمعو الكل فبلاستيكات باش ماينشفوش لينا
http://www.sayidaty.ma/wp-content/up...01-300x225.jpg
كانطلقوا الاصفر فوق ورق الزبدة وحنا كنرشو بمايزينا على شكل رقيق ونقلبو الورق فوق الطورطة نحيدو الورق ونتبتو العجينة مزيان حتى تلصق ونحيدو الزوائد بالموس ونحتافظوا بيهوم فبلاستيكة
http://www.sayidaty.ma/wp-content/up...01-300x225.jpg
http://www.sayidaty.ma/wp-content/up...01-300x225.jpg
نورقو العجين البني ونقطعو منو شريط ونلصقوه بحال الصورة
كدلك العينين نقطعو 2 دوائر بالابيض و2 اصغر منهوم بالازرق و 2 اصغر بالبني
والفم واللسان والانف
ونقطعو شريط ابيض للي هو القميص وربطة العنق بالاحمر والاسنان بالابيض
http://www.sayidaty.ma/wp-content/up...01-300x225.jpg
http://www.sayidaty.ma/wp-content/up...01-300x225.jpg
نصايبو اليدين والرجلين بالعجينة للي بقات لينا
ناخدو شوية من العجينة البنية نقطعوا منها شرائط رقاق بحال سباكيتي وندوروهوم على العينين وربطة العنق ونديرو بهوم الرموش
ناخدو غلاقة ديال القرعة ونوركو بيها فوق العجين الاصفر باش يعطينا شكل دوائر للي محفرين فوق الطورطة
وللي مافهماتش شيحاجة انا رهن الاشارة

رد: طورطة سبونج بوب
 

رد: طورطة سبونج بوب