|
رد: من هو هذا الحوميدي؟ بقلمي الحوميدي أخ حميم و أستاذ جليل , صاحب النكتة الهادفة و التعليق الطريف ...قصّاص مبدع عرفناه " في لعروبية " كما عرفناه في المدينة ... أتمنى له كامل التوفيق و الصحة و الهناء و شكرا جزيلا أخي بوشعيب على هذه الالتفاتة الأخوية الطيبة . |
رد: من هو هذا الحوميدي؟ بقلمي خويا لحوميدي عين ام زين علينا حمرا جمرا قالت ليك ادخلنا الى الحديقة واسرقنا الخضرا اتطفلنا عليها واسرقنا اكلامها احسبتها حكرا اقالت ليا بدل السميا والا انضربك بشي حجرا الله يا اختي، انا خو كاع الناس اما اتزيدي هضرا الحقيقة كلامها ، معاني اما افهمو غير مول القدرا |
رد: من هو هذا الحوميدي؟ بقلمي اقتباس:
أخي الشريف السلاوي هذه شهادة في حقي منك أظل دوما أفتخر بها ولاعجب إن كانت من شهم بطل وصياد ماهر وأخ كريم بارك الله فيك وفي كل إخوتنا وأخواتنا في هذا المنتدى الذي الكل فيه سواسية سواء كان عضوا أومشرفا أو مراقبا أو حتى مديرا الله يدوّم هاد المحبة بيناتنا |
رد: من هو هذا الحوميدي؟ بقلمي اقتباس:
خويا خويا لا تقلق من كلام أم زين شفتو كلام كل محبة وأخوة وحنين ام زين باغيا غير تْجبّدْ ليك لْوَدنين تخلْطَاتْ ليها بين خوها وخويا الزّين أنت سْميتك خويا وزعما خويا فالدّين ما سرقتي خضرة ما مسخوط الوالدين غير اوكان فين مْشى داك الكيلو سردين ام زين ناوية تعرض عليه دوك الزاهدين تطبخو لينا مع شوية بْطاطا فالطاجين واش هادي فعلة بوشعيب اللي رْزين؟ دارها زعما ما سمعوحَدْ ما شافتو عين دابا فين مشى المتعوس أهرب فين؟ هادا خاصّو شي فلقة لْدوك الرجلين لافوط ديالو ماشي ديالك يا مسكين سير دافع على راسك وجْبدلو السكّين وايّاك يْشَفَّك واخّا يصدر منّو الأنين مولا فعلة وخبارو وصلات للْبحرين هادا خوك حوميدي اللي سابقو بْسنين غادي يطلق عليكوم النار كي التنّين |
رد: من هو هذا الحوميدي؟ بقلمي اتبارك الله عليكم راه اقضيتو اعلي انت وام زين ابوشعيب.شوف اخويا الحوميدي راني كنهز الراية البيضا وانقول ليكم. ما بيا ما عليا جيت انسلم عليكم بالقوافي ديالكم قلتو لي حدك تم بغيت غير انساعدكم هرستو لي لقلم شوفو من حالي راني منكم كنحشم اعاونو خوكم راه اكثر عليه الهم هذاك التنين،احرقني قول لو يحشم اما ام زين كثرنا عليها اهي تندم غير عدروني راه الجدبة ما ترحم تحيتي. |
| الساعة الآن 04:53 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd