مــحـجـبـة بس // إستايل وشيك !!!! - منتديات الأستاذ التعليمية التربوية المغربية : فريق واحد لتعليم رائد

2013-11-24, 14:46

رقم المشاركة : 1

أمة الله85

أستـــــاذ(ة) جديد

إحصائية العضو

أمة الله85 غير متواجد حالياً

مــحـجـبـة بس // إستايل وشيك !!!!

مــحـجـبـة بس // إستايل وشيك !!!!

هو فيه مشكلة لما نلبس محترم واستايل في نفس الوقت ؟؟؟
أصل اللبس الواسع مش بيليق عليا خاااااااالص
ومش مناسب لسني !!!
ولو لبست عبايات هاضطر علشان أبقى شيك ألبس عليها طرح قصيرة وأكسسورات علشان دى حاجات أساسية بتنطق العباية وبتديها شكل تانى !!
أنا عارفة شروط الحجاب الصح وحفظاها صم !!!!!
وطبعا خايفة من ربنا !!
بس محتارة وهتجججنن ومش عارفة ألبس واسع
وشيك في نفس الوقت إزاي ؟؟!!

هقولك:
جملة " عايزة ألبس شيك وإستايل "
معناها إنك عايزة ترضي الناس ويعجبهم لبسك !
خلي بالك إن رضا الناس غاية لا تـُدرك !!
ومهما عملتي مش هتقدري ترضيهم !!
واللي هيغضب ربنا علشان يرضي الناس ، ربنا هيغضب عليه وهيخلـّي الناس تغضب عليه !!!
يعني هيخسر كــــــــــــــل شئ !!!
قال رسول الله ( من أرضى الناس بسخط الله ، سخط الله عليه وأسخط عليه الناس ، ومن أرضى الله بسخط الناس رضي الله عليه وأرضى عليه الناس ) صححه الألباني
فخلي هدفك هو رضا الله وبس !!
ولو ربنا رضي عنك هيرضي عنك الناس ويحببهم فيكي ...

وبعدين اسالي نفسك :
إنتي لابسة الحجاب ليه ؟؟
ايه الغرض من فرض الحجاب على المسلمة ؟؟؟
الغرض من الحجاب هو : " ستر زينة المرأة "
قال الله : ( وَلا يُبْدِينَ زِينَتَهُنَّ ) سورة النور:31
يعني .....
وإنتي نازلة تشتري لبس تختاري اللبس اللي يستر زينتك مش يزينك أكتر في عيون الشباب !!!
وإنتي واقفة قدام المراية قبل ما تخرجي وبتظبطي حجابك المفروض نيّـتك تكون هي إخفاء وستر الزينة ، مش إنك تزيني نفسك أكتر في عيون الشباب !!!

هتقولي :
يعني إنت عايزنا نمشي مبهدلين ؟؟؟!!!
هقولك : مين قال كده ؟؟؟؟
إنتي هتلبسي حجابك الواسع الفضفاض اللي هيكون نضيف ومكوي وهادي وجزمتك المتلمعة النظيفة وكده هتكوني مش مبهدلة ولا حاجة ، بالعكس ..
اللي بتلبس كده والله بتبقى مَلِكة ماشية في الشارع ..

هتقولي :
بس أنا نفسي ألبس شيك وإستايل بِنِيّة إنى أكون قدوة حسنة !!!
يعني وأنا ماشية بلبس جميل وشيك ممكن عشرات البنات اللي مش لابسين حجاب يحبوه ويهتدوا من غير ما أقول ولا كلمة !!
هقولك : مينفعش !!!
عندنا قاعدة شهيرة في الفقه بتقول :
[ النية الصالحة لا تُصلِح العمل الفاسد ]
وقاعدة كمان بتقول :
[ دَرء المفاسد مُقدَّم على جَلب المصالح ]
وأنا عايزك تعرفي إن الدعوة للحجاب عمرها ما كانت بشياكة اللبس وإستايله ، أبدااااااااااااااااااااااا
الدعوة بتكون بالأخلاق الفاضلة والإلتزام الصحيح .

وأنا عايز أسأل كل بنت بتجادل في موضوع اللبس والشياكة وأقولها :
إشمعنى الاعتراض والجدال بيبقى مع أوامر ربنا وبس ؟!!!

ليه مشوفناش ظابط اعترض على لبسه المفروض عليه من البشر لأنه مش من الشياكة ؟؟!
ليه مشوفناش دكتور أو دكتورة أو ممرضة اعترضوا على البالطو المفروض عليه من البشر لأنه مش من الشياكة ؟؟!
ليه مشوفناش محامي أو قاضي اعترض على الروب الاسود المفروض عليه من البشر لأنه مش من الشياكة ؟؟!
ليه مشوفناش لاعب اعترض على الشورت والفانلة المفروض عليه من البشر لأنه مش من الشياكة ؟؟!
ليه مشوفناش طالب أو طالبة اعترض على الزي المدرسي المفروض عليه من البشر لأنه مش من الشياكة ؟؟!

لو تأملنا هنلاقي إن كل المجالات لها ضوابطها وقواعدها المحترمة التي لا تـُناقش ، بل تـُفرض فرضاً من البشر بدون نقاش !!
وكل الناس بتقبل الضوابط دي بسهولة وبصدر رحب !!
أما كلام ربنا نقعد نجادل فيه ونقول ليه ومينفعش !!

مع إن ربنا سبحانه وتعالى قال :
{ فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيما شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا } النساء:65

يعني لازم نسمع ونطيع بكل حب وكل تسليم ،،
خلاصة الكلام ببساطة ،،
إن مفيش حاجة اسمها موضة واستايل وشياكة في لبسك خارج البيت !!
موضة المسلمة وشياكتها طول السنة في طاعة ربها .

د. مصطفى زايد من كتيب " فكيها شوية 2"[]
أخواتي الكريمات هذه دعوة ال تصحيح حجابك ليرضى الله عنا

: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=695845

2013-11-24, 15:42

رقم المشاركة : 2

ام ادريس

مراقبة عامة

إحصائية العضو

ام ادريس غير متواجد حالياً

رد: مــحـجـبـة بس // إستايل وشيك !!!!

التوقيع

2013-11-24, 15:47

رقم المشاركة : 3

الزرقاء

بروفســــــــور

إحصائية العضو

الزرقاء غير متواجد حالياً

رد: مــحـجـبـة بس // إستايل وشيك !!!!

التوقيع

2013-11-27, 14:47

رقم المشاركة : 4

ام زين

بروفســــــــور

إحصائية العضو

ام زين غير متواجد حالياً

رد: مــحـجـبـة بس // إستايل وشيك !!!!

التوقيع

المداد روحي أَكتب ولا أَمَلْ
فالروح تصدح والرِّواق ٱنْتشلْ
عُزلَة الأَصابعِ في الكلمةِ قُبَلْ
فَ بُحْ وَزدنِي ألمَْ...... لِحزنٍ تَوطَّن َوٱرْتَجَلْ
.فالقلب ربَضَ وشاح الحبِّ ...وَفشلْ

السعدية الفاتحي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم


	للتوصل بجديد الموقع أدخل بريدك الإلكتروني ثم فعل اشتراكك من علبة رسائلك :