|
انا لمـــــــــــــــــــــرا ........................ام زين انا لمـــــــــــــــــــــرا انا لمرا مني لحرة ومني لمـــــــــــــــــــــرة مني لمرار ڭـطـــــــــــــــــــــرة مني لخيار جرى واللهفة فيا تهرى والعين لعيني تدفن النظـــــــــــــــــــــرة انا لمـــــــــــــــــــــرا انا لي هزيت علف كوني ف شوني ليل ونهار قريت راس لوني بدموع شراتني بدينـار وخواتني جرة ف ثغـــــــــــــــــــــرة ــــــــــــ قولوا لي يا اسيادي ـــــــــــــــــ راني مـــــــــــــــــــــرا ماني مـــــــــــــــــــــرة ماني جـــــــــــــــــــــرة نحن ونعطف نطيب ونشتف نوكل ونعلف نرضي ومانترضى نرصي وما نترصى راه لوني اغـــــــــــبر ووجهي دبال واصفـــــــــــر ودمعي بلحفا اجفـــــــــــر واكساتي من لعـــــــــــرا طاحت ف حفـــــــــــــــــــــرة ـــــــــــــــــــــــــــ قولو لي يا اسيادي ـــــــــــــــــــــــ تلفت واش نـڭــــــــــــر ولا نسد باب كوني ونخلي اجمـــــــــــر يتشحر فوق اجفوني ونحفر عمري بيدي و نغبر سيفتي ونبعدني من هنا ومن تما وديك الساعة وفديك ديك الساعة تبان قيمتي لي مني انا راني رخيت لخيط وحنيت وحبيت وكان هذا جوابي هزيت وحطيت واللومة فيا مني تشكي ـــــــــــــ قولو ليا يا اسيادي ـ ــــــــــــ راني نحكي ولكلمة مني عاكزة تبوح بلمجروح فيا يسري ولحكمة مني مشات ف تراب تنسي دمي ـــــــــــــــــــــــــ قولو ليا يا سيادي ـــــــــــــــــــــــــــ .واش العين تعلى عل الحاجب واش لقلب عليا كاذب ولخد مني وعليا نادب قولو ليا يا اسيادي راني مـــــــــــــــــــــرا وتبريت من جنسي ونديرها جبيرة ف عنقي ونحكها ضبرة بدموع لحســـــــــــــــــــــر ة ـــــــــــــــــــــــ قولو لي يا اسيادي ـــــــــــــــــــــــــــ راني نشوف اشوفة من شوفتي نقرا لساني ونهز مرايتي تقراني حروف ف ورقة تبشر بلخير راكي مرا حـــــــــــــــــــــرة راه لميزان علا كفو لسما ونزل هاز مرا راه لكية تبـــــــــــــــــــــرا ولفال يسعد لعزبة واضـــــــــــــــــــــرة ولخير منا ولينا تحـــــــــــــــــــــرِّا ــــــــــــــــــــــــــــــــــالله يا اسيادي ــــــــــــــــــــــــــــــــــ رانـــــــــــــي هزيت راسي من لحلمة لقيت راسي بين لوح لمعاني نجاري طيور مني تشكي بالظلمـــــــــــــة راكي ف حلمة مزوقـــــــــــــة وشهقة تديك من روح ازهقـــــــــــــة وهزيت علام ف سمايا ونعيط من ورايـــــــــــــا راكي امـــــــــــــــــــــرا اجي حدايـــــــــــــا نديرك ـڭـمـــــــــــــــــــــرة مني ورايـــــــــــــا ونجلف لميزان كفة كفــــــــــــــة ونشوف اراس فين رسا لحلفــــــــــــــة ولحال فين تهز بالتلفــــــــــــــة ونكتب لراسي برا نهمد رماد لهجــــــــــــــرة ونرصي قلب داب بدموع اجمــــــــــــــرة راكي مـــــــــــــرا لميزان هز عبارو ف ســـــــــــــدرة ونقى شوكو ف جفن عـــــــــــــذرا ونزل بغا يرسي ترسى واسرى ف روحك يا لمـــــــــــــرا ف عروق عمرك يا لمـــــــــــــرا ما كي حـــــــــــــرة ولا رسمتي شجـــــــــــــرة راكي زدتي لبلا لبلـــــــــــــوة ونفخت عل رمـــــــــــــاد بفم عين عورة وفتحت عليك باب الـــــــــــــروا زدتيك هم عل هم فيك تكوى اــــــــــــ لله يا اسيادي ـــــــــــــ شفتو علاش راني نتبرا مني ومن روحي لي فيا تكرا اش ندير نخرج من عين لبرا نهني حالي ونبرا ها حجر لعافية نصفوني وضروني مني وما تسيروني راني نحكي وادمعة واكلة اجفوني > راني نكتب والشهقة شهقت لوني . راني نهز لعين نشوفني ف حروف فاضحة شوني راني مرا ومني نتبرا السعدية الفاتحي ........9/10/2013 |
رد: انا لمـــــــــــــــــــــرا ........................ام زين تبارك الله عليك أديك لمرا الحرة قطعيها هبرة تبرى |
رد: انا لمـــــــــــــــــــــرا ........................ام زين الله يعطيك الخير ضحكتيني هههههه اختي |
رد: انا لمـــــــــــــــــــــرا ........................ام زين من أجمل ما فاضت به أنامل الزجالة المقتدرة ، الأستاذة أم زين . أحييك مبدعتنا الغالية على هذا الزخم من الطلاقة و السلاسة الزجلية ... بالقوة و بالفعل ، أم زين تستحق وقفات و وقفات لقراءة إبداعها الشيق وتسجيل ما تزخر به التعابير البكر . أهنئك أستاذتي .. وأحلم بقراءة ديوانا زجليا من مخاض المرأة الحرة . |
رد: انا لمـــــــــــــــــــــرا ........................ام زين لي عودة للتعبير عن انطباعي و كنت اتمنى لو ان الزجل يكون فيه شكل حتى تتم قراءته بشكل سليم. لكنه بركان من الصور الفنية الرائعة و السنفونيات الهائجة ... تحياتي |
| الساعة الآن 07:06 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd