مجموعة أمثال رائعة


خوك خوك لا يغرك الطمع، كقولك أخاك أخاك فمن لا أخ له كساع إلى الهيجاء بغير سلاح.

إيدك منك وخا تكون مجدامة،
كل خنفوسة عند يماها غزالة،
يقال في حب الأم لوليدها.

اللي حب الحوت إي فزك سروالو،
يقال لمن أراد شيئا أن يستعد له

اللهم لعمش ولا العمى،
في الاختيار بين أمران أحلاهما مر.

السلف إما عداوة إما تلف،
لبحر ما كيطمع شي في السواقي،
وعكسه
حتى مول التاج كيحتاج.

اللسان ما فيه عضم،
يقال في ضرورة الاحتراس من التسرع في الكلام.

اعمل ما اعمل جارك ولا حول باب دارك،
في شخص أتى شيئا غير شائع.

إلى غلبوك بالجديد غلبهم بالصابون،
في النظافة وحسن الاعتناء.

كل بشهوتك ولبس بشهوتك الناس،
إلبس قد ك يواتيك،
في ضرورة التواضع.

بالمال ولاو الشمايت رجالة،
الله ينجيك من المشتاق إذا فاق ومن البايرة إلا ضربت الصداق.
الفلوس كيعملو طريق في البحر،
اللي ما عندو فلوس كلامه مسوس،
في درو المال


تعلى العين حتى تعيا والحاجب فوقها، في التعالي.

اللي ضرو راسو ما كيحزم صبعو،
حماري مريض من رجله أعطاه الطبيب دواء لرأسه.
عند عدم التركيز

إلا كنت رزمة دق وإلى كنت وتاد صبر للدق.

كيشري الحوت في قاع البحر.

القاضي كيسمع من جوج،
في عدالة القاضي.

دق الما ف المهراز،
كب الما في الرملة
في من ين يأتي بعمل أحمق أو لا بركة فيه و لا رجاء منه.


لا حبيب إلا حبيب الشدة،

معا من شفتك مع من شبهتك

ضرب لحديد ما حدو سخون،
ضرب الحطب ماحدو رطب
في ضرورة الإسراع في عمل واغتنام الفرص.


ما تهضر حتى تخمم،
في ضرورة التفكير والتأني.

حرنا في اللي حبونا أما اللي كرهونا داروا فينا خير،

حوته وحدة كتخنزن الشواري

اللي دار راسو في النخالة نقبو الدجاج

لا تشري حتى تقلب ولا تصاحب حتى تجرب

اللي ما عندو سيده عند للاه

سبع صنايع والرزق ضايع،
لا وجه للسعاية ولا درع للخدمة،
ا في عديم النفع والطائل.ا


دير عدوك قدامك ولا تديرو وراك

امدح صاحبك مع الناس ولومه الراس فالراس،
لمن أراد أن ينتقد صاحبا أن لا ينتقده علانية.



اللي ما حمد الله على خبزة كيحمدو على نصها،
في الطماع الجشع و من لا يحمد الله.

وقالوا في المجرب والعاقل الرزين:
كل محنة تزيد عقل
كون ديب ما يكلوك الدياب
الليل بودينتو والنهار بعيونتو

باش قتلتي باش تموت
اللي دار شي يدار ليه

لي خلص دينو شبع


اللي بغى الحج يحاول على حمارو



أذكر الكلب وجد العصا

مصيبة كتجر مصيبة،
إذا توالت المصائب
اللهم نجينا


الشوكة تولد الوردة والوردة كتولد الشوكة


اللي فاتك بليلة فاتك بحيلة
سال المجرب لا تسال الطبيب




رخيصة موتة الفار بتهريس الخابية،
في أمر يكلف


وقالوا في الاحتراس
اللي عضو الحنش كيخاف من الحبل
خفت بهبش بجبذ حنش
الجالس على الجرف إيكون عوام

اللي شلاغمو من الحلفة ما يسوط على النار،

الفضولي بشكارتو
الفم المشدود ما دخلتو الدبانة

وقالوا في الزواج وضرورة مقارنة شن لطبقة:
اللي خذ من غير قبيلتو كيتهرس من ركيبتو
زواج ليلة تدبيرو عام
كل فولة خامجة كيجيب لها الله فروج عور
مسكين خاذ مسكينة وتهنات المدينة،
قاللو اكتب بنتي ما تطحنش
قاللو اكتب بنتو ما عندها ما تطحن.

وفي أخلاق المرأة
اللي ما قدرت تكون نجمة في السما تكون شمعة في الدار

وفي الرجل إذا نسي أهله
الدليل في الرجال هو اللي كيعطي الضحك للجار والهم لدار

وفي من يطمع
خاذها بفرانك وبغاها تولد ليه قايد

وفي أخلاق النسوة المبذرات :
اللهم ال**** ولا مرا مبذرة فالدار

وفي من يتخد زوجة ثانية :
مول المراة الثانية حتى ليلة ما يبيتها في الدار هانية.

وقالوا في الطلاق ومصائبه:
إلى طليقتها ما توريها دار باها
الرجل المطلق دوز على قبرو ولا تدوز على دارو،

وفي النسل وما يخلفه الإنسان من درية سيئة :
أش يولد الفار غير الحفار،
اللهم نجينا

وفي سرعة البديهة :
الحر بالغمزة والعبد بالدبزة،

جزار وكيتعشى بالفرت

وفي اليتيم قالوا :
لا توصي اليتيم على بكاه
لي ماتت امو يوسد الركبة ولي مات لو باه يوسد العتبة

ولمن لا يستعد لشأن:
اللي ما عندو لا قلم ولا دواية ما معول على القراية
اللي بغا يربح العام طويل.