2013-10-04, 19:40
|
رقم المشاركة : 3 |
إحصائية
العضو | | | رد: اعتراف .....................ام زين | الا قلتي مجدوبة مجدوبة
خويا الشريف
..
وحق اسما لي اعطاتني دغمة من روح النجمة
شفتها سهيت ف الشوفة نقلب على مين يشوفني تما
داني اسهى ودخلت ف اطريق انجوم
نداري بكفوف لحام مضيوم
نجمع اشتا ف غربال مشبك بخيوط الدوم
ونقول ماني هنا ماني تما ..
ما ني لحام بغراف احما
اش زواني في ديك الدغمة
غير اسهى لي الداني بلا رحمة
وحق الروح لي فيا وفيكم
تدي وتجي في طريق لهايم
يراري بعروق اخزيت في زيت لهم الدايم
واحلة فيا ..وفيكم ما تطلع ما تحن على العبد لعايم
تاه وتاه وتاه
ف غيس ادنيا يجمع بلا عمدان
يبني بعكاز لهم اسدود وغيران
صلى لفجر وغنى عل لعمر يا رحمان
وحق السن للي فيا ساكنة ومني ملات
رشات ونفرت من خز لكلام وعيات
حفرت لمكان بحروف انعام ومشات
رماتني ف خل مخلل في خربة اعيات
وحق الحلفة اللي ماتسالني حلوف
والنار اللي ما بردت الجوف
والكلمة الطالعة بلا خوف
راني نكتب وما نقرا ما نتمتم
ما نعلف ما نتململ من تم
نهز قلمي من راس مقدم
يكسر قيود النجم
وحق النقطة لي فوق راس الحرف
واللقطة اللي مني بغات تخلف
والرهطة اللي علفت روح الكف
راه دوايا من دايا مسكم
وقلبي بروح لكلمة مرشم
والروح اللي مني طالعة تحلم
بهزة انفس وتسلم ....
اختكم ام زين
مودتي | التوقيع |
المداد روحي أَكتب ولا أَمَلْ
فالروح تصدح والرِّواق ٱنْتشلْ
عُزلَة الأَصابعِ في الكلمةِ قُبَلْ
فَ بُحْ وَزدنِي ألمَْ...... لِحزنٍ تَوطَّن َوٱرْتَجَلْ
.فالقلب ربَضَ وشاح الحبِّ ...وَفشلْ السعدية الفاتحي | آخر تعديل ام زين يوم 2013-10-05 في 20:31. |
| |