طبق رقم 2 .... الرفيسة الزيادية بالدجاج البلدي طبق رقم 2 الرفيسة الزيادية بالدجاج البلدي المكونات دجاجة او فروج بلدي زيت الزيتون+ملح+فلفل اسود+خرقوم بلدي +الزنجبيل غبرة+عشوب مدقوقين او راس الحانوت انا داقاهم على يدي+سمن مالح من صنع يدي ايضا+زلافة صغيرة عدس+معلقة كبيرة حلبة اختياري+قزبور ومعدنوس قبطة صغيرة 3بصلات كبار مشلضين غلاض باش ميدوبوش 3ماطيشة كبار محكوكين لتر حليب بقر طازج الطريقة نصبو الدجاج+زيت الزيتون +ملح+فلفل اسود+بصل+خرقوم بلدي+قزبور ومعدنوس+نصف كاس صغير ماء نخليو الكل فوق النار حتى يتقلا الدجاج والمكونات مزيان نضيفو له من بعد مطيشة محكوكة وراس الحانوت والسمن البلدي المالح + عدس بعد ما نكونو سلقناه سواء لوحده او مع الحلبة او كل حاجة مسلوقة لوحدها+كاس كبير ماء مغلى من بعد ما يطيب كلشي نصفيو باش نخليو غير لاصوص لي كنزيدو عليها الحليب فايض ونخلوه يغلي لمدة نصف دقيقة ونكونو طيبنا الحرشة ودقيناها وفورناها مكونات الحرشة كيلو ونصف سميد غليض+زيت الزيتون +ملح+ماء دافئ تيدهن السميد بثلاث معالق زيت زيتون +ملح ثم تعجن ونعملو حرشة من بعد ما طيب ندقوها بيد المهراز ونفوروها في الكسكاس ثم نضيفها لللاصوص لي زدنا فيها الحليب فايض ونخليوها لمدة 5دقائق فوق النار حتى تشرب مزيان مع التحريك طبعا ثم نصبوها في القصعة نسقيوها شوية بلاصوص لي باقا مع الدجاج والدغميرة ثم نوضعو الدجاج والدغميرة الفوق وبالصحة والراحة http://im39.gulfup.com/BPQUl.jpg |
رد: طبق رقم 2 .... الرفيسة الزيادية بالدجاج البلدي تبارك الله عليك مشهية بالتوفيق ان شاء الله |
رد: طبق رقم 2 .... الرفيسة الزيادية بالدجاج البلدي تبارك الله عليك رفيسة زيادية دايزها الكلام موفق بإذن الرحمن تحيتي |
رد: طبق رقم 2 .... الرفيسة الزيادية بالدجاج البلدي شكرا لتواجدكم تحيتي |
رد: طبق رقم 2 .... الرفيسة الزيادية بالدجاج البلدي اعجبتني الاكلة من خلال المكونات تبارك الله كلها صحية ومفيذة لكن مراحل الطبخ عدبدة ولم يسبق لي ان تذوقت هذا النوع من الاكل والجميل انني سبق لي تذوق الكسكس بالخضر واللحم والحليب ووجدت مذاقه رائع ، اما الرفيسة بالحرشة والحليب والدجاج البلدي فالامر جديد لدي ، اكيد شهي لان به ايضا الاعشاب المنسمة وزيت الزيتون ، ساجرب الاكلة ان شاء الله بالتوفبق . |
الساعة الآن 14:55 |
جميع المواد المنشورة بالموقع تعبر عن أصحابها فقط ولا تعبر بأي شكل من الأشكال عن رأي الموقع ولا يتحمل أي مسؤولية عنها
Powered by vBulletin® Copyright ©2000 - 2024, Jelsoft Enterprises Ltd