الاشعاعات - منتديات الأستاذ التعليمية التربوية المغربية : فريق واحد لتعليم رائد

2013-06-05, 20:48

رقم المشاركة : 1

نسمة المنتدى

أميرة الفوتوشوب

إحصائية العضو

نسمة المنتدى غير متواجد حالياً

الاشعاعات

فى نوعين مشهورين قوى من الأشعاعات و هم
1- أشعة أكس ( X-ray )
2-أشعة جاما (GAMA ray )

أخطر حاجه فى الأشعه دى ان مفيش حاسه من حواس الأنسان الخمسه بتتأثر بها مطلقا الا انها بتسرع عمليه انقسام خلايا الدم و ده اللى بيسبب مرض السرطان.

ازاى بقى الأشعه دى بتتكون

اولا بالنسبه ل أشعة جاما
دى بتنتج مم النظائر المشعه زى مثلا عنصر اسمهايرديم 192 و عنصر تانى اسمه كوبلت 60
طبعا فى عناصر تانيه كتير بس الأتنين دول اشهرهم
الأشعه بتخرج من العناصر دى لانهم بيبقوا فى حاله نشاط و الألكتونات اللى موجوده حول النواه بتكون لديها طاقهزياده عن طاقتها فبقدر الألكترون ان يطلع للمدار الأعلى من المدار اللى هو موجود فيه لكن برده الألكترون بيكون نشط و عنده طاقه بس الطاقه دى مش كفايه لانه يطلع للمدار الأعلى كمان مرة .. فبينزل الألكترون مرة تانيه للمدار الأصلى بتاعه ب يفقد الطاقه اللى هو كان مكتسبها .. و الطاقه دى بتخرج من الماده على هيئه فوتونات ( الفوتونات دى هى وحدة بناء الطاقه) .. و الفوتونات دى هى اللى بتقدر تقو بعمليه تأين الجزيئات
طبعا الأكترون مبيفدش كل طاقته لان الطاقه الى خرجت منه على هيئه فوتونات دى مش كلها بتخرج برة لماده .. لا .. فى جزء منها بيدخل الماده تانى و ينشط لكتونات تانيه كانت فى مدارها الأصلى و تطلع للمدار الألى و يتكرر المووع تانى .. و يستمر العنصر او الماده ... او بمعنى اوضح فى الحاله دى بيبقى اسمه المصدر فى انتاج الفوتونات اللى هى عبارة عن الأشعاعات اللى بنتكلم عنها و طبعا كميه الفوتونات اللى بتخرج هى اللى بتحدد طاقه المصدر و مع الوقت الطاقه دى بتقل و بنقدر نحدد الطاقه دى بقت او هتبقى اد ايه بعد فترة معينه من الزمن اسمها فترة نصف العمر لو تفتكروا الكلمه دى كنا خدناها زمان فى العلوم بتاعه 2 اعدادى
و بعد فترة من الزمن بتقل طاقه المصدرة لدرجه ضعيفه جدا و قدرته للتأيين بتبقى قليله و يمكن تكون منعدمه فبنضطر ان نرميه .. بس فى الحاله دى بيبقى نفايات ذريه يعنى عشان نتلص منه لازم يتحط فى مقابر نفايات ذري بتتكو من طبقات متعددة من الرصاص و الخرسانه و النحاس
.. شكل المصدر ده بيبقى فى لامع جدا و كمان مغرى .. خدوا بالكوا

ثانيا بالنسبة ل أشعة أكس دى بتتكون

عن طريق أنبوب موجود فى جهاز .. هو يعنى فكرته ببساطه بيصدر تيار هربى يمر بين قطبين .. قطب كاثود و قطب أنود .. ودى م احنا عارفين ان الكاثود بيبقى موجب و الأنود بيبقى سالب
الهم اتيار ده بضرب فى الكاثود اللى هو غالبا بيبقى مصنوع من ماده النحاس و بيمتص النحاس الألكترونات و بيسخن و بطلع طاقه و الطاقه دى بتنتج على شكل فوتونات اللى قولنا عليها وحده بناء الطاقه
و عن طريق الجهاز اللى بنستخدمه ممكن نوجه نجمع الفوتونات و نركزها و نزد طاقتها بأستخدام التيار الكهربى اللى ممكن نتحكم فيه عن طريق القولت و الأمبير .. و فى عاملين كمان مهمين بنستخدمهم فى الأشعاعات و هم الزمن (زمن التعرض ) و كمان المسافه بين مصدر الأشعه و الجسم المعرض للأشعه

أكيد واضح ان أشعه أكس بتكون اسهل و اسرع من اشعه جاما و كمان بنقدر نتحكم فيها فى اى وقت و غير كده خطورتها أقل من حيث ان احنا عندنا قدرة اننا نوقف الأشعاعات فى لحظه بفصل التيار الكهربى بعكس المصدر المشع اللى بتفل خطورته موجوده بأستمرار
بس أشعه أكس مكلفه و أغلى من جاما .... و كمان صعبه فى حركتها لانها جهاز تقيل و صعب ننقله و فوق كده بيبقى محتاج مصدر للطاقه بعكس جاما اللى متاحه بأستمرار و كمان سهله الحمل لانها عبارة عن جسم صغير أد الربع جنيه الفضه و محطوط فى صندوق رصاص

منقول